Астана қаласындағы мұқтаж азаматтардың жекелеген санаттарына әлеуметтік көмек көрсету Қағидалары туралы
Астана қаласы Мәслихатының 2007 жылғы 17 қазандағы № 16/4-ІV Шешімі
(2008.09.07. берілген өзгерістер мен толықтыруларымен)
Осы редакция 2009 жылғы 29 қаңтардағы енгізілген өзгерістеріне дейін қолданылды
Астана қаласы әкімдігінің ұсынысын қарап, «Қазақстан Республикасы астанасының мәртебесі туралы» Қазақстан Республикасының 2007 жылғы 21 шілдедегі Заңының 8-бабын және «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 6-бабын басшылыққа ала отырып, Астана қаласының мәслихаты ШЕШТІ:
1. Қоса берілген Астана қаласындағы мұқтаж азаматтардың жекелеген санаттарына әлеуметтік көмек көрсету Қағидасы бекітілсін.
2. Астана қаласы мәслихатының 2005 жылғы 26 мамырдағы № 142/18-III «Азаматтардың жекелеген санаттарына мерекелік және айтулы күндерге әлеуметтік көмек көрсету қағидалары туралы» шешімінің (Астана қаласының Әділет департаментінде 2005 жылдың 1 шілдесінде № 394 тіркелген, № 90 «Астана хабары» газетінде 2005 жылғы 5 шілдеде және № 103-104 «Вечерняя Астана» газетінде 2005 жылғы 9 шілдеде жарияланған) күші жойылды деп танылсын.
3. Осы шешім алғаш ресми жарияланғаннан кейін он күнтізбелік күн өткен соң қолданысқа енеді.
Астана қаласы мәслихаты
сессиясының төрағасы
Астана қаласы мәслихатының
Хатшысы
КЕЛІСІЛДІ:
«Астана қаласының Жұмыспен қамту
және әлеуметтік бағдарламалар
департаменті» мемлекеттік
мекемесінің директоры (ЖҚжӘБД)
Астана қаласы мәслихатының 2008.09.07. № 116/18-IV Шешімімен мәтін бойынша «Департамент», «Департаментпен», «Департаментіне» деген сөздер «Басқармасы», «Басқармамен», «Басқармасына» деген сөздермен ауыстырылды (бұр. ред. қара)
2007 жылғы 17 қазандағы
№ 16/4-IV шешімімен
бекітілген
Астана қаласындағы мұқтаж азаматтардың жекелеген
санаттарына әлеуметтік көмек көрсету
ҚАҒИДАСЫ