2010 жылға дейін Астана қаласында көшелер мен жолдарды қайта жаңарту бағдарламасы туралы
Астана қалалық мәслихатының 2002 жылғы 2 мамырдағы № 158/30-ІІ шешімі
Осы редакция 2009 жылғы 28 мамырдағы енгізілген өзгерістеріне дейін қолданылды
Астана қаласының әкімияты ұсынған 2010 жылға дейін Астана қаласында көшелер мен жолдарды қайта жаңарту бағдарламасын қарап, Қазақстан Республикасы Конституциясының 86-бабының және «Қазақстан Республикасындағы жергілікті мемлекеттік басқару туралы» 2001 жылғы 23 қаңтардағы Қазақстан Республикасы Заңының 6-бабының негізінде Астана қаласының мәслихаты былай шешті:
1. Қоса беріліп отырған 2010 жылға дейін Астана қаласында көшелер мен жолдарды қайта жаңарту бағдарламасы бекітілсін.
Астана қалалық мәслихаты
сессиясының төрағасы
Астана қалалық мәслихаты
хатшысының міндетін атқарушы
2002 жылғы 2 мамырдағы
№ 158/30-ІІ шешімімен
бекітілген
2010 жылға дейін Астана қаласында
көшелер мен жолдарды қайта жаңарту бағдарламасы
Бағдарлама төлқұжаты
Бағдарламаның атауы: «2010 жылға дейін Астана қаласында көшелер мен жолдарды қайта жаңарту бағдарламасы»
Әзірлеуші: «Астанагенплан» КМК
Бағдарламаны орындаушы: Астана қаласын дамыту бағдарламаларына әкімшілік ету жөніндегі департамент Астана қаласы Сәулет және қала құрылысы департаменті Астана қаласы Коммуналдық шаруашылық департаменті
Осы Бағдарлама Қазақстан Республикасының Үкіметі бекіткен Астана қаласының Бас жоспары негізінде және осы жоспарға енгізілген 2010 жылға дейін қаланың өсу параметрлерін ескеру бойынша әзірленді.
Бағдарлама Астана қаласындағы көшелер мен жолдарды 2010 жылға дейін қайта жаңарту және салу жөніндегі жұмыстарды орындау үшін қажетті жағдайларды қамтамасыз ететін өкім етуші құжаттарды Астана қаласы әкімінің аппараты қабылдау үшін негіздеме болып табылады.