Шығыс Қазақстан облысының елді мекендерінде жергілікті қоғамдастық жиналысын (жиынын) өткізу ережесін бекіту туралы
Шығыс Қазақстан облыстық мәслихатының 2009 жылғы 14 шілдедегі № 14/191-IV шешімі
Шығыс Қазақстан облыстық мәслихатының 2013 жылғы 3 шілдедегі № 12/148IV шешімімен күші жойылды
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 39-3 бабының 2-тармағына сәйкес Шығыс Қазақстан облыстық мәслихаты ШЕШІМ ҚАБЫЛДАДЫ:
1. Қоса берілген Шығыс Қазақстан облысының елді мекендерінде жергілікті қоғамдастық жиналысын (жиынын) өткізу ережесі бекітілсін.
2. Осы шешім алғаш ресми жарияланған күнінен кейін күнтізбелік он күн өткен соң қолданысқа енгізіледі.
Сессия төрағасы | Р. Рахимова |
Шығыс Қазақстан облыстық мәслихатының хатшысы |
В. Ахаев |
облыстық мәслихатының
2009 жылғы 14 шілдедегі
№ 14/191-IV шешімімен
Бекітілген
Шығыс Қазақстан облысының елді мекендерінде
жергілікті қоғамдастық жиналысын (жиынын) өткізу
ережесі
Шығыс Қазақстан облысының елді мекендерінде жергілікті қоғамдастық жиналысын (жиынын) өткізу ережесі «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына сәйкес әзірленді.
1. Жергілікті қоғамдастық - шекараларында жергілікті өзін-өзі басқару жүзеге асырылатын, оның органдары құрылатын және жұмыс істейтін тиісті әкімшілік-аумақтық бөлініс аумағында тұратын тұрғындардың (жергілікті қоғамдастық мүшелерінің) жиынтығы.