«Статистикалық есептердің ұсынылу мерзімдері және оларға қол қою тәртібі туралы» Қазақстан Республикасы Бас Прокурорының 2001 жылғы 14 мамырдағы № 71 бұйрығына өзгерістер енгізу туралы
Қазақстан Республикасы Бас Прокурорының 2009 жылғы 4 тамыздағы № 41 бұйрығы
ҚР Бас прокурорының 2014 жылғы 14 қазандағы № 116 бұйрығымен күші жойылды
Құқықтық статистика және арнайы есепке алу саласындағы есептердің статистикалық нысандарын ұсынудың бірыңғай мерзімдерін және оларға қол қоюды айқындау мақсатында, «Прокуратура туралы» Қазақстан Республикасы Заңының 11-бабының 4-1) тармақшасын басшылыққа ала отырып, БҰЙЫРАМЫН:
1. «Статистикалық есептердің ұсынылу мерзімдері және оларға қол қою тәртібі туралы» Қазақстан Республикасы Бас Прокурорының 2001 жылғы 14 мамырдағы № 71 бұйрығына (Нормативтік құқықтық актілерді мемлекеттік тіркеу тізілімінде № 1565 тіркелген, «Статистикалық есептердің ұсынылу мерзімдері және оларға қол қою тәртібі туралы» Қазақстан Республикасы Бас Прокурорының 2001 жылғы 14 мамырдағы № 71 бұйрығына өзгерістер енгізу туралы» Қазақстан Республикасы Бас Прокурорының 2004 жылғы 23 наурыздағы № 17 бұйрығымен (Нормативтік құқықтық актілерді мемлекеттік тіркеу тізілімінде № 2801 тіркелген) енгізілген өзгерістері бар) мынадай өзгерістер енгізілсін:
кіріспеде «Қазақстан Республикасы Президентінің, заң күші бар 1995 жылғы 21 желтоқсандағы «Қазақстан Республикасының прокуратурасы туралы» Жарлығының 11 б.» деген сөздер «Прокуратурасы туралы» Қазақстан Республикасы Заңының 11-бабының 4-1) тармақшасын» деген сөздермен ауыстырылсын;
көрсетілген бұйрыққа 1-қосымша осы бұйрыққа қоса берілген қосымшаға сәйкес редакцияда жазылсын.
2. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі - Комитет) осы бұйрықты:
1) Қазақстан Республикасының Әділет министрлігіне мемлекеттік тіркеу үшін;