«ҚазТрансГаз Аймақ» акционерлік қоғамының 2009 жылға арналған нормативтік техникалық ысырабтарын бекіту туралы
Қазақстан Республикасы Табиғи монополияларды реттеу агенттігі төрағасы міндетін атқарушысының
2009 жылғы 6 сәуірдегі № 115-НҚ Бұйрығы
«Табиғи монополиялар және реттелетін нарықтар туралы» Қазақстан Республикасы Заңының 13-бабы 1-тармағының 5-1) тармақшасына және Қазақстан Республикасы Табиғи монополияларды реттеу агенттігі төрағасының 2006 жылғы 4 тамыздағы № 191-НҚ бұйрығымен бекітілген Табиғи монополиялар субъектілерінің нормативтік техникалық ысырабтарын, шикізат, материалдар, отын, энергия шығысының техникалық және технологиялық нормаларын бекіту ережесінің 26-тармағына, сондай-ақ Қазақстан Республикасы Табиғи монополияларды реттеу агенттігі басқармасының 2009 жылғы 3 сәуірдегі № 12 қаулысының негізіне сәйкес БҰЙЫРАМЫН:
1. Қоса беріліп отырған «ҚазТрансГаз Аймақ» акционерлік қоғамының табиғи газды магистральды және таратушы құбырлар арқылы тасымалдау қызметтерінің 2009 жылға арналған нормативтік техникалық ысырабтары бекітілсін.