Астана қаласындағы жасыл отырғызғыларды күтіп ұстау мен қорғау қағидалары туралы
Астана қаласы мәслихатының 2004 жылғы 30 наурыздағы № 29/6-ІІІ шешімі
(2009.28.05. берілген өзгерістер мен толықтыруларымен)
Осы редакция 2009 жылғы 26 тамызда енгізілген өзгерістеріне дейін қолданылды
Астана қаласы мәслихатының 2009.28.05. № 226/35-IV Шешімімен кіріспе өзгертілді (бұр.ред.қара)
«Қазақстан Республикасында жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабын және «Әкімшілік құқық бұзушылық туралы» 2001 жылғы 30 қаңтардағы Қазақстан Республикасы Кодексінің 3, 300-баптарын басшылыққа ала отырып, Астана қаласының мәслихаты шешті:
1. Қоса беріліп отырған «Астана қаласындағы жасыл отырғызғыларды күтіп ұстау мен қорғау қағидалары» бекітілсін.
2. Осы шешім «Астана хабары» және «Вечерняя Астана» газеттерінде жарияланғаннан кейін 10 күн өткен соң күшіне енеді.
Астана қаласы мәслихаты
сессиясының төрағасы
Астана қаласы
мәслихатының хатшысы
2004 жылғы 30 наурыздағы
№ 29/6-III шешімімен бекітілді
Астана қаласындағы жасыл желектердi
күтіп-баптау және қорғау
Ережелерi
Осы ережелер Қазақстан Республикасы «2001 ж. 23.01.-дегі № 148 «Қазақстан Республикасындағы жергілікті мемлекеттік басқару туралы», 1997 ж. 15.07.-дегі «Қоршаған ортаны қорғау туралы» Заңдарына, Қазақстан Республикасы азаматтық кодексі, Қазақстан Республикасы орман кодексі, Әкімшілік құқық бұзушылық туралы Қазақстан Республикасы кодексіне сәйкес жасалынды.
Ережелер жеке және заңды тұлғалардың Астана қаласындағы жасыл желектерді күтіп-баптау және қорғау аумағындағы және барлық шаруашылық жүргізуші субъектілердің, олардың меншік, керек-жарақтық немесе азаматтығына, жалға беру, құрылыс салу, ғимараттар, үймереттер, тұрғын-жайлар және жер телімдерін иеленушілерге қарамастан, жауапкершілігін тағайындайды және реттейді.