Қазақстан Республикасы
Денсаулық сақтау министрлігі
Фармация комитеті Төрағасының
2007 жылғы 1 қазандағы
№ 168 бұйрығымен
Бекітілген
Дәрілік заттың қолданылуы жөнінде мамандарға арналған нұсқаулық
Ципрофлоксацин-Промед
Саудалық атауы
Ципрофлоксацин-Промед
Халықаралық патенттелмеген атауы
Ципрофлоксацин
Дәрілік түрі
Қабықпен қапталған 250 мг, 500 мг таблеткалар
Құрамы
250 мг бір таблетканың құрамында
белсенді зат - 250 мг ципрофлоксацинге барабар ципрофлоксацин гидрохлориді,
қосымша заттар: натрий кроскармеллозасы, магний стеараты, тальк, натрий крахмалы гликолаты, коллоидты кремний қос тотығы,
қабықтың құрамы: гипромеллоза, титан қос тотығы, полиэтиленгликоль 400.
500 мг бір таблетканың құрамында
белсенді зат - 500 мг ципрофлоксацинге барабар ципрофлоксацин гидрохлориді,
қосымша заттар: натрий кроскармеллозасы, магний стеараты, тальк, натрий крахмалы гликолаты, коллоидты кремний қос тотығы,
қабықтың құрамы: гипромеллоза, титан қос тотығы, полиэтиленгликоль 400, Сансет сары лакты бояғыш зат бар
Сипаттамасы
250 мг таблеткалар, ақ немесе ақ дерлік түсті қабықпен қапталған, дөңгелек, екі жағы дөңес. Сындырған кездегі көрінісі - сарғыш реңді ақ масса
500 мг таблеткалар, қызғылт сары түсті қабықпен қапталған, дөңгелек, екі жағы дөңес. Сындырған кездегі көрінісі - сарғыш реңді ақ масса
Фармакотерапиялық тобы
Бактерияға қарсы препараттар - хинолон туындылары. Фторхинолондар.
АТЖ коды JО1МА02
Фармакологиялық қасиеттері
Фармакокинетикасы
Ішіп қабылдаған кезде асқазан-ішек жолынан тез сіңеді (көбінесе ұлтабарда және аш ішекте). Биожетімділігі - 50-85%. 250, 500, 750 және 1000 мг ішкен кезде (тамақтануға дейін) дені сау адамдарда препараттың қан сарысуындағы ең жоғары қанығу деңгейіне 1-1,5 сағаттан соң жетеді және тиісінше, 0,76; 1,6; 2,5 және 3,4 мкг/мл құрайды.