Қазақстан Республикасы
Денсаулық сақтау министрлігі
Фармация комитеті Төрағасының
2007 жылғы 6 қарашадағы
№ 195 бұйрығымен бекітілген
Дәрілік затты қолдану жөнінде мамандарға арналған нұсқаулық
Нироцеф-125™
Саудалық атауы
Нироцеф-125™
Халықаралық патенттелмеген атауы
Цефдинир
Дәрілік түрі
Ішілетін суспензия әзірлеуге арналған ұнтақ, 125 мг/5 мл
Құрамы
5 мл әзірленген суспензияның құрамында
белсенді зат - 125 мг цефдинир,
қосымша заттар: сахароза, лимон қышқылы моногидраты, натрий цитраты, натрий бензоаты, коллоидты сусыз кремний, ксантан камеді, натрий-карбоксиметилцеллюлоза, құлпынай хош иістендіргіш заты, магний стеараты, күрең қызыл бояғыш заты.
Сипаттамасы
Ақ түсті дерлік, сусымалы ұнтақ, 30 мл-ге дейінгі суда еріткеннен кейін қызғылт түсті хош иісті суспензия алынады.
Фармакотерапиялық тобы
Микробқа қарсы жүйелі қолдануға арналған препараттар. Басқа бета-лактамды антибиотиктер. Үшінші буындағы цефалоспориндер.
АТЖ коды J01DD15
Фармакологиялық қасиеттері
Фармакокинетикасы
Сіңуі: цефдинир ең жоғары қанығу деңгейіне оны ішке қабылдағаннан кейін 2-4 сағаттан соң жетеді. Цефдинирдің плазмалық қанығу деңгейі дозаны арттырған кезде жоғарылайды, бірақ 300 мг-нан бастап (7 мг/кг) 600 мг-ға дейін (14 мг/кг) қанығу деңгейі дозаны арттыруға аз пропорционал. Цефдинир суспензиясының толық биожетімділігі 25%-ды құрайды. Цефдинир суспензиясының биожетімділігі капсулаларымен салыстырғанда 120%-ды құрайды. Цефдинирді ас қабылдауға қарамай-ақ қабылдай беруге болады.
Таралуы: цефдинирдің ересектерде таралуының орташа көлемі - шамамен 0,35 л/кг; балаларда (6 айлықтан 12 жасқа дейін) - шамамен 0,67 л/кг. Цефдинир плазма ақуыздарымен 60-70% байланысады, байланысу препарат концентрациясына байланысты емес. Препарат тері күлбіреуіктерінің сұйықтығына, бадамша без, синус, өкпе тіндеріне және ортаңғы құлаққа жақсы таралады. Цефдинирдің жұлын сұйықтығына енуі туралы деректер жоқ.