Қазақстан Республикасы
Денсаулық сақтау министрлігі
фармацивтикалық бақылау
комитеті Төрағасының
2008 жылғы 3 қазандағы
№ 242 бұйрығымен бекітілген
Дәрілік заттың медицинада қолданылуы жөніндегі нұсқаулық
Амприлан
Саудалық атауы
Амприлан
Халықаралық патенттелмеген атауы
Рамиприл
Дәрілік түрі
1,25, 2,5, 5 немесе 10 мг таблеткалар
Құрамы
Бір таблетканың құрамында
белсенді зат- рамиприл 1,25 мг, 2,5 мг, 5 мг немесе 10 мг,
қосымша заттар: натрий гидрокарбонаты, лактоза моногидраты, натрий кроскармеллозасы, желатинденген крахмал, натрий стеарил фумараты, сары темір тотығы (Е 172), қызыл темір тотығы (Е 172).
Сипаттамасы
1,25 мг және 10 мг таблеткалар: сопақша, жайпақ, ақ немесе ақшыл түсті, бөлу сызығы бар таблеткалар.
2,5 мг таблеткалар: сопақша, жайпақ ашық сары түсті, бөлу сызығы бар таблеткалар.
5 мг таблеткалар: сопақша, жайпақ, қызғылт түсті, бөлу сызығы және көрінетін дақтары бар таблеткалар.
Ренин-ангиотензин жүйесіне әсер ететін препараттар. Ангиотензин-өзгертуші ферменттің (АӨФ) тежегіштері.
АТЖ коды C09AA05
Фармакокинетикасы
Рамиприлді ішкеннен кейін оның 50-60 % асқазан-ішек жолдарынан тез сіңеді. Қан сарысуында жоғары концентрациясына 1 сағаттан соң жетеді. Рамиприл бауырда белсенді метаболит - рамиприлат түзе отырып метаболизденеді, оның белсенділігі рамиприл мен соңына қарай глюкуронизирленетін белсенді емес метаболит - дикетопиперазинге қарағанда 6 есе жоғары. Қан сарысуында рамиприлаттың деңгейі жоғары концентрациясына препаратты қабылдағаннан 2-4 сағаттан кейін жетеді, тепе-теңдік концентрациясына - препаратты қабылдаудың 4 күні жетеді.
Шамамен рамиприлдің 73% және рамиприлаттың 56% қансарысуы ақуыздарымен байланысады.
Рамиприл және рамиприлат организмнен несеп арқылы (шамамен 60%), негізінен, метаболиттер түрінде, ал 2% аз мөлшері өзгермеген күйде шығарылады.
Рамиприлдің шығарылуы бірнеше кезеңнен тұрады. Препараттың емдік дозасын тағайындағаннан соң рамиприлаттың жартылай шығарылу кезеңі 13-17 сағатты құрайды, ал рамиприл үшін - 5,1 сағат.