ҚР Үкіметінің 2010.31.03. № 250 Қаулысымен 12-тармақ өзгертілді (бұр.ред.қара)
12. Қазақстан Республикасы Денсаулық сақтау министрлігі:
2010 жылғы 15 қаңтарға дейінгі мерзімде облыстық бюджеттердің, Астана және Алматы қалалары бюджеттерінің осы қаулының 3-тармағының 1), 5), 29) тармақшаларында көрсетілген ағымдағы нысаналы трансферттерді пайдалану тәртібі туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
ҚР Үкіметінің 2010.31.03. № 250 Қаулысымен 13-тармақ өзгертілді (бұр.ред.қара)
13. Қазақстан Республикасы Білім және ғылым министрлігі:
2010 жылғы 15 сәуірге дейінгі мерзімде жергілікті атқарушы органдармен бірлесіп, 012 «Облыстық бюджеттерге, Астана және Алматы қалаларының бюджеттеріне білім беру объектілерін салуға және реконструкциялауға, Алматы облысының облыстық бюджетіне және Алматы қаласының бюджетіне білім беру объектілерінің сейсмотұрақтылығын күшейту үшін берілетін нысаналы даму трансферттері» бюджеттік бағдарламасы бойынша жергілікті бюджеттерден бірлесіп қаржыландыруды ескере отырып, жаңа білім беру объектілерін салуға көзделген қаражатты бөлу туралы шешімнің жобасын;
2010 жылғы 15 қаңтарға дейінгі мерзімде облыстық бюджеттердің, Астана және Алматы қалалары бюджеттерінің осы қаулының 3-тармағының 2), 3), 27), 28) тармақшаларында көрсетілген ағымдағы нысаналы трансферттерді пайдалану тәртібі туралы шешімнің жобасын;
2010 жылғы 15 сәуірге дейінгі мерзімде облыстық бюджеттердің, Астана және Алматы қалалары бюджеттерінің осы қаулының 3-тармағының 15-1) тармақшасында көрсетілген ағымдағы нысаналы трансферттерді пайдалану тәртібін анықтау бөлігінде «Облыстық бюджеттердің, Астана және Алматы қалалары бюджеттерінің білім беруге 2010 жылға арналған республикалық бюджеттен берілетін ағымдағы нысаналы трансферттерді пайдалану ережесін бекіту туралы» Қазақстан Республикасы Үкіметінің 2010 жылғы 5 наурыздағы № 177 қаулысына өзгерістер мен толықтырулар енгізу туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
ҚР Үкіметінің 2010.31.03. № 250 Қаулысымен 14-тармақ өзгертілді (бұр.ред.қара)
14. Қазақстан Республикасы Еңбек және халықты әлеуметтік қорғау министрлігі:
2010 жылғы 15 қаңтарға дейінгі мерзімде облыстық бюджеттерге, Астана және Алматы қалаларының бюджеттеріне жаңадан іске қосылатын әлеуметтік қамсыздандыру объектілерін ұстауға берілетін ағымдағы нысаналы трансферттерді пайдалану тәртібі туралы шешімнің жобасын;
2010 жылғы 15 ақпанға дейінгі мерзімде облыстық бюджеттерге, Астана және Алматы қалаларының бюджеттеріне Ұлы Отан соғысындағы Жеңістің 65 жылдығына орай Ұлы Отан соғысының қатысушылары мен мүгедектеріне, сондай-ақ оларға теңестірілген адамдарға; 1941 жылғы 22 маусым - 1945 жылғы 3 қыркүйек аралығындағы кезеңде майдандағы армия құрамына кірмеген әскери бөлімдерде, мекемелерде, әскери-оқу орындарында әскери қызмет өткерген, «1941 - 1945 жж. Ұлы Отан соғысында Германияны жеңгені үшін» медалімен немесе «Жапонияны жеңгені үшін» медалімен марапатталған әскери қызметшілерге, оның ішінде запасқа (отставкаға) шыққандарға, Ұлы Отан соғысы жылдарында тылда кемінде алты ай жұмыс істеген (қызмет өткерген) адамдарға біржолғы материалдық көмек төлеуге, сонымен қатар Тәуелсіз Мемлекеттер Достастығының елдері, Қазақстан Республикасының аумағы бойынша жол жүруін, сондай-ақ оларға және олармен бірге жүретін адамдарға Мәскеу, Астана қалаларында мерекелік іс-шараларға қатысуы үшін тамақтануына, тұруына, жол жүруіне арналған шығыстарын төлеуді қамтамасыз етуге берілетін ағымдағы нысаналы трансферттердің пайдалану тәртібі туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
ҚР Үкіметінің 2010.31.03. № 250 Қаулысымен 15-тармақ жаңа редакцияда (бұр.ред.қара)
15. Қазақстан Республикасы Құрылыс және тұрғын үй-коммуналдық шаруашылық істері агенттігі Қазақстан Республикасы Еңбек және халықты әлеуметтік қорғау және Қаржы министрліктерімен бірлесіп, 2010 жылғы 1 сәуірге дейінгі мерзімде облыстық бюджеттерге, Астана және Алматы қалаларының бюджеттеріне 2009 - 2011 жылдарға арналған «Нұрлы көш» бағдарламасын іске асыру шеңберінде тұрғын үй салуға және (немесе) сатып алуға кредиттер беру тәртібі туралы шешімнің жобасын белгіленген тәртіппен Қазақстан Республикасының Үкіметіне енгізсін.
ҚР Үкіметінің 2010.31.03. № 250 Қаулысымен 15-1-тармақпен толықтырылды
15-1. Қазақстан Республикасы Әділет министрлігі жергілікті атқарушы органдармен бірлесіп 2010 жылғы 1 шілдеге дейінгі мерзімде облыстық бюджеттердің, Астана және Алматы қалаларының бюджеттерінің осы қаулының 3-тармағының 14) тармақшасында көрсетілген ағымдағы нысаналы трансферттерді пайдалану тәртібі туралы шешімнің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
ҚР Үкіметінің 2010.31.03. № 250 Қаулысымен 15-2-тармақпен толықтырылды; ҚР Үкіметінің 2010.12.05. № 406 Қаулысымен 15-2-тармақ жаңа редакцияда (2010 жылғы 1 қаңтардан бастап қолданысқа енгізілді) (бұр.ред.қара)
15-2. Қазақстан Республикасы Экономикалық даму және сауда министрлігі жергілікті атқарушы органдармен бірлесіп 2010 жылғы 30 мамырға дейінгі мерзімде:
«Бизнестің жол картасы - 2020» бағдарламасы шеңберінде кәсіпкерлікке мемлекеттік қаржылай қолдау көрсету тәртібі шешімінің жобасын;
«Бизнестің жол картасы - 2020» бағдарламасы шеңберінде көзделген қаражатты пайдалану тәртібі шешімінің жобасын әзірлесін және заңнамада белгіленген тәртіппен Қазақстан Республикасының Үкіметіне енгізсін.
ҚР Үкіметінің 2010.31.03. № 250 Қаулысымен 16-тармақ өзгертілді (бұр.ред.қара)
16. ҚР Үкіметінің 2010.12.05. № 406 Қаулысымен алып тасталды (2010 жылғы 1 қаңтардан бастап қолданысқа енгізілді) (бұр.ред.қара)
17. Жергілікті атқарушы органдар 2010 жылғы 15 қаңтарға дейінгі мерзімде осы қаулыға 1-қосымшада көзделген объектілерді салуға және реконструкциялауға арналған конкурстық рәсімдерді заңнамада белгіленген тәртіппен жариялауды қамтамасыз етсін.
18. ҚР Үкіметінің 2010.31.03. № 250 Қаулысымен алып тасталды (бұр.ред.қара)
19. Орталық атқарушы органдар 2010 жылғы 1 ақпанға дейінгі мерзімде Қазақстан Республикасы Үкіметінің бұрын қабылданған шешімдерін осы қаулыға сәйкес келтіру туралы Қазақстан Республикасының Үкіметіне ұсыныстар енгізсін.
20. ҚР Үкіметінің 2010.12.10. № 1053 Қаулысымен алып тасталды (бұр.ред.қара)
21. Осы қаулы 2010 жылғы 1 қаңтардан бастап қолданысқа енгізіледі.