Беларусь Республикасының, Қазақстан Республикасының және Ресей Федерациясының
кеден одағын бiрыңғай кедендiк-тарифтiк реттеу туралы
Еуразиялық экономикалық қауымдастықтың 2009 жылғы 27 қарашадағы № 18 шешімі
(Минск қ.)
Жоғары Еуразиялық экономикалық кеңестің 2017 жылғы 14 сәуірдегі № 10 шешімімен күші жойылды
Мемлекет басшылары деңгейіндегі Еуразиялық экономикалық қауымдастығы Мемлекетаралық кеңесi (кеден одағының жоғарғы органы) шештi:
1. 2007 жылғы 6 қазандағы Кеден одағының шарттық-құқықтық базасын қалыптастыруға бағытталған халықаралық шарттардың күшiне ену, олардан шығу және оларға қосылу тәртібі туралы хаттамаға сәйкес 2010 жылғы 1 қаңтардан бастап мыналардың күшiне енуi белгiленсiн:
2008 жылғы 25 қаңтардағы Бiрыңғай кедендiк-тарифтiк реттеу туралы келісім;
2008 жылғы 12 желтоқсандағы Тарифтiк квоталарды қолданудың шарттары мен тетiгi туралы келісім;
2008 жылғы 12 желтоқсандағы Айрықша жағдайларда Бiрыңғай кедендiк тарифтiң ставкаларынан ерекшеленетiн кедендiк әкелу баждарының ставкаларын қолдану шарттары мен тәртібі туралы хаттама;
2008 жылғы 12 желтоқсандағы Тарифтiк жеңiлдiктер беру туралы хаттама;
2008 жылғы 12 желтоқсандағы Кеден одағының тарифтiк преференцияларының бiрыңғай жүйесi туралы хаттама.
2. 2010 жылы 1 қаңтардан бастап күшiне енуi мерзiмiмен мынадай құжаттар бекітілсiн:
Кеден одағының Сыртқы экономикалық қызметтiң бiрыңғай тауар номенклатурасы (бұдан әрi - КО СЭҚ ТН) және Кеден одағының Бiрыңғай кедендiк тарифi (1-қосымша);
Кеден одағының Тарифтiк преференциялар жүйесiн пайдаланатын дамушы елдердiң тiзбесi (2-қосымша);
Кеден одағының Тарифтiк преференциялар жүйесiн пайдаланатын неғұрлым аз дамыған елдердiң тiзбесi (3-қосымша);
Дамушы елдерден және неғұрлым аз дамыған елдерден шығарылатын және әкелiнетiн, әкелу кезiнде тарифтiк преференциялар берiлетiн тауарлардың тiзбесi (4-қосымша);