Жоба
Қазақстан Республикасы Туризм және спорт министрлігі мен Иордан Хашимит Корольдігінің Үкіметі арасындағы
2009-2011 жылдарға туризм және спорт саласындағы ынтымақтастық бағдарламасы
(2009 жылғы 29 қазанда)
ҚР Туризм және спорт министрдің міндетін атқарушының 2009 жылғы 29 қазандағы № 01-01-01/192 бұйрығымен мақұлданды
Бұдан әрі Тараптар деп аталатын, Қазақстан Республикасы Туризм және спорт министрлігі мен Иордан Хашимит Корольдігінің Үкіметі,
екі мемлекет арасында ынтымақтастықты өзара тиімді негізде дамыту үшін қолайлы жағдайлар тудыруға және көтермелеуге талпына отырып,
Иордан патшасы Абдаллы II ибн Хусейн Қазақстан Республикасына ресми іссапар барысында (2007 жылы, 8-10 тамызда) қол жеткізген келісімдерді іске асыру мақсатында,
Тараптар арасындағы өзара достық қатынастарды және туризм мен спорт саласындағы ынтымақтастықты дамыту мен нығайтуға деген қызығушылықты назарға ала отырып,
Қазақстан Республикасы Туризм және спорт министрлігі мен Иордан Хашимит Корольдігінің Үкіметі арасындағы туризм және спорт саласындағы осы ынтымақтастық бағдарламасы (бұдан әрі - Бағдарлама) әзірледі.
Осы Бағдарламаға енетін қызметтің барлық түрлері Тараптардың ұлттық заңнамаларына сәйкес жүзеге асырылады.
Осы Бағдарлама Тараптар дипломатиялық арналар арқылы келісуі мүмкін қызметтің басқа түрлерін, сапарлар мен ұсыныстарды жоққа шығармайды.
Тараптар туризм және спорт саласындағы ынтымақтастықты дамыту үшін қолайлы жағдайлар тудырады.