2010-2012 жылдарға арналған Солтүстік Қазақстан облысының облыстық бюджеті туралы
Солтүстік Қазақстан облысы мәслихатының 2009 жылғы 20 желтоқсандағы № 20/1 шешімі
Осы редакция 2010 жылғы 30 наурызда енгізілген өзгерістеріне дейін қолданылды
Қазақстан Республикасының 2008 жылғы 4 желтоқсандағы № 95-IV Бюджет Кодексі 75-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы № 148 Заңы 6-бабына сәйкес, облыстық мәслихат ШЕШТІ:
1. Сәйкесінше 1, 2 және 3-қосымшаларына сәйкес 2010-2012 жылдарға арналған Солтүстік Қазақстан облысының облыстық бюджеті бекітілсін, соның ішінде 2010 жылға мына көлемде:
1) кірістер - 70 464 390 мың теңге, оның ішінде мыналар бойынша:
салықтық түсімдер - 6 659 731 мың теңге;
салықтық емес түсімдер - 70 997 мың теңге;
трансферттердің түсуі - 63 733 662 мың теңге;
2) шығындар - 70 356 232 мың теңге;
3) таза бюджеттік кредиттеу - 654 582 мың теңге, соның ішінде:
бюджеттік кредиттер - 1 127 582 мың теңге;
бюджеттік кредиттерді өтеу - 473 000 мың теңге;
4) қаржылық активтермен операциялар бойынша сальдо - -2 000 мың теңге, соның ішінде:
мемлекеттің қаржылық активтерін сатудан түскен түсімдер - 2 000 мың теңге;
5) дефицит - -544 424 мың теңге;
6) бюджеттің тапшылығын қаржыландыру- 544 424 мың теңге.
2. 2010 жылға арналған облыстық бюджеттің кірістері Қазақстан Республикасы Бюджет кодексіне сәйкес мына салықтық түсімдер есебінен қалыптастырылатыны белгілесін:
біржолғы талондар бойынша қызмет ететін жеке тұлғаларға салынатын жеке табыс салығының түсімдерін қоспағанда, жеке табыс салығы;
жер бетіне жақын көздердегі су ресурстарын пайдаланғаны үшін төлемдер;
орманды пайдаланғаны үшін төлемдер;
қоршаған ортаға эмиссия үшін төленетін төлемдер.