«Отбасыларға (азаматтарға) пәтер үйді ұстауға және коммуналдық қызметтерді төлеуге тұрғын үй көмегін ұсыну ережелері туралы» Петропавл қалалық мәслихатының 2004 жылғы 14 шілдедегі кезектен тыс жетінші сессиясының
№ 6 шешіміне өзгерістер мен толықтырулар енгізу туралы
Солтүстік Қазақстан облысы Петропавл қалалық мәслихатының 2010 жылғы 7 сәуірдегі № 5 шешімі
Солтүстік Қазақстан облысы Петропавл қалалық мәслихатының 2016 жылғы 18 қаңтардағы № 6 шешімімен күші жойылды
«Тұрғын үй қатынастары туралы» Қазақстан Республикасының 1997 жылғы 16 сәуірдегі № 94 Заңы 97-бабының 2-тармағына, «Тұрғын үй көмегін көрсету ережелерін бекіту туралы» Қазақстан Республикасы Үкіметінің 2009 жылғы 30 желтоқсандағы № 2314 қаулысына сәйкес, Петропавл қалалық мәслихаты ШЕШТІ:
1. «Отбасыларға (азаматтарға) пәтер үйді ұстауға және коммуналдық қызметтерді төлеуге тұрғын үй көмегін ұсыну ережелері туралы» Петропавл қалалық мәслихатының 2004 жылғы 14 шілдедегі кезектен тыс жетінші сессиясының № 6 шешіміне (2004 жылғы 17 тамызда Нормативтік құқықтық актілердің мемлекеттік тізілімде тіркелген № 1327, «Добрый вечер» газетінің 2004 жылғы 3 қыркүйектегі № 3 санында жарияланған) мынадай өзгерістер мен толықтырулар енгізілсін:
көрсетілген шешіммен бекітілген отбасыларға (азаматтарға) пәтер үйді ұстауға және коммуналдық қызметтерді төлеуге тұрғын үй көмегін ұсыну ережелерінде:
2 тармақтағы «(жеке тұрғын үйді ұстаудан басқа)» сөздері «кондоминиум объектілерінің ортақ мүлкін күрделі жөндеуге және (немесе) күрделі жөндеуге қаражат жинақтауға арналған жарналарға» сөздерімен ауыстырылсын;