Қазақстан Республикасы
Қаржы министрінің 2009 жылғы 24 желтоқсандағы
№ 574 бұйрығымен бекітілген
Өнімді бөлу бойынша
Қазақстан Республикасының
үлесі бойынша декларацияға
(530.00-нысан)
қосымша
Осы редакция 2010 жылғы 30 маусымда енгізілген өзгерістеріне дейін қолданылды
Өнімді бөлу бойынша Қазақстан Республикасының үлесі бойынша салық есептілігін (декларация) жасау
ережелері
(530.00-нысан)
1. Жалпы ережелер
1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) сәйкес әзірленген және өнімді бөлу бойынша Қазақстан Республикасының үлесін есептеуге арналған салық есептілігі нысандарын (бұдан әрі - Декларация) осы Ережелерге сәйкес өнімді бөлу бойынша Қазақстан Республикасының үлесі бойынша жасау тәртібін анықтайды. Өнімді бонусы бойынша Қазақстан Республикасының үлесі бойынша Декларацияны өнімді бонусы үлесу туралы келісім-шарттар жасаған жер қойнауын пайдаланушылар жасайды.
2. Декларация Декларацияның өзінен (530.00-нысан) және салық міндеттемесін есептеу туралы ақпаратты егжей-тегжейлі көрсетуге арналған қосымшаларынан (530.01-ден 530.03дейінгі нысандар) тұрады
3. Декларацияны толтыру кезінде түзетулерге, өшіруге және тазалауға жол берілмейді.
4. Көрсеткіштер жоқ болған кезде Декларацияның тиісті торкөзді толтырылмайды.
5. Тиісті көрсеткіштердің мәнін ашуды қажет ететін Декларациядағы жолдарды толтыру кезінде Декларацияға қосымшалар міндетті түрде жасалады.
6. Декларацияда көрсетілуге тиіс мәліметтер жоқ болған кезде оған қосымшалар жасалмайды.
7. Декларацияның қосымша бетінде бар жолдардағы көрсеткіштер саны сол бетке сыймаған жағдайда, Декларацияға қосымшаның дәл сондай беті толтырылады.
8. Осы Ережелерде: «+» - қосу; «-» - алу; «х» - көбейту; «/» - бөлу; «=» - тең арифметикалық белгілері қолданылады.
9. Соманың теріс мәні тиісті жолдың (бағанның) сол жағындағы бірінші ұяшықта «- » белгісімен көрсетіледі.
10. Декларацияны жасау кезінде:
1) қағаз тасығышта - қара не көк сиялы қаламмен немесе қаламұшпен, баспа әріптермен немесе баспа құрылғысын пайдалана отырып толтырылады;