ҚР Денсаулық сақтау министрінің 2012 жылдың 18 мамырдағы № 362 бұйрығымен күші жойылды
Қазақстан Республикасының
Денсаулық сақтау министрінің
2010 жылғы 28 шілдедегі
№ 551 бұйрығымен бекітілген
1-қосымша
«Жолаушылар вагондарына қойылатын санитариялық-эпидемиологиялықталаптар»
санитариялық ережесі
1. Жалпы ережелер
1. Осы «Жолаушылар вагондарына қойылатын санитариялық-эпидемиологиялық талаптар» санитариялық ережесі (бұдан әрі - санитариялық ереже) жолаушылар вагондарын жабдықтауға, сумен жабдықтауға, жылытуға, жарықтандыруға, объектілерді желдетуге, физикалық факторлар көздерімен жұмыс жағдайларына, жолаушылар вагондарын сапарға дайындауға, жол қатынасында жолаушылар вагондарын күтіп-ұстауға қойылатын санитариялық-эпидемиологиялық талаптарды белгілейді.
2. Осы санитариялық ережеде мынадай анықтамалар пайдаланылды:
1) жолаушы поезы -жолаушы вагондарынан жасақталған жолаушы, жүк, пошта тасымалдауға арналған поезд;
2) аялдама пункті - тек жолаушыларды ғана отырғызу мен түсіруге арналған пункт.
2. Вагондарды жабдықтауға қойылатын санитариялық-эпидемиологиялық талаптар
3. Тамбурдың сыртқы есіктері тиектермен және герметикалық нығыздармен жабдықталады. Есіктің екі жағына тұтқа қондырылады.
4. Қызмет бөлімінің есігінде және дәліздегі өту есіктерінде оларды ашық жағдайда ұстау бекіткішімен жабдықталады.
5. Жолаушылар вагондарының терезелері екі қабатты қауіпсіз әйнекпен жабдықталады.
6. Вагондардың терезелері 1/3 биіктігінде ашылуы, кез-келген деңгейде бекітілуі қарастырылады. Терезелерде күн өткізбейтін перделер мен оларды бекітуге арналған құрылғы, сондай-ақ перделер қондырылады.
7. Өту жолының алаңшаларында тұтқалар, жарамды кезекші жарықтар, сондай-ақ қайта жеткізілетін және жобаланатын вагондарда апаттық жарықтар қарастырыл ады.
8. Вагонның қызметтік емес кіші дэлізінің соңында стандартты типтегі алмалы-салмалы қоқыс салғыш жабдықталады.