Коммуналдық меншік объектілерін кейіннен сатып алу құқығынсыз мүліктік жалдауға (жалға) беру Нұсқаулығын бекіту туралы
Маңғыстау облысы әкімдігінің 2008 жылдың 28 наурыздағы № 231 қаулысы
(2009.24.04. берілген өзгерістер мен толықтыруларымен)
Осы редакция 2010 жылғы 20 қыркүйекте енгізілген өзгерістеріне дейін қолданылды
Маңғыстау облысы әкімдігінің 2009 жылғы 24 сәуірдегі № 1291 қаулысымен кіріспе өзгертілді (бұр.ред.қара)
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Заңына сәйкес, облыс әкімдігі ҚАУЛЫ ЕТЕДІ:
1. Осы қаулының қосымшасына сәйкес, коммуналдыҚ меншік объектілерін кейіннен сатып алу құқығынсыз мүліктік жалдауға (жалға) беру Нұсқаулығы (бұдан әрі - Нұсқаулық) бекітілсін.
2. Облыс әкімдігінің кейбір қаулыларының күші жойылды деп танылсын.
Маңғыстау облысы әкімдігінің «Маңғыстау облысы бойынша коммуналдық меншіктегі мемлекеттік тұрғынжайға жатпайтын қордағы орын-жайларды мүліктік жалдауға беру төлемдерін есептеу Ережесін бекіту туралы» 2002 жылғы 29 сәуірдегі № 93 қаулысы (мемлекеттік нормативтік- құқықтық № 908 тіркеу Реестрде болып тіркелген);
Маңғыстау облысы әкімдігінің «Маңғыстау облысы әкімиятының «Маңғыстау облысы бойынша коммуналдық меншіктегі мемлекеттік тұрғынжайға жатпайтын қордағы орын-жайларды мүліктік жалдауға беру төлемдерін есептеу Ережесін бекіту туралы» 2002 жылғы 29 сәуірдегі № 93 қаулысына өзгеріс енгізу (мемлекеттік нормативтік - құқықты тіркеу Реестрде № 1597 болып тіркелген);
Маңғыстау облысы әкімдігінің «Коммуналдық меншік объектілерін кейіннен сатып алу құқығынсыз мүліктік жалдауға (жалға) беру қағидасын бекіту туралы» 2006 жылғы 9 қаңтардағы № 5 қаулысы (мемлекеттік нормативтік құқықтық тіркеу Реестрде № 1938 болып тіркелген).