Бостандығы шектеулі, сондай-ақ сот үкімі бойынша жазасын бас бостандығынан айыру орындарында өтеп жүрген, арнайы мекемелерге орналастырылған азаматтарға медициналық көмек көрсету ережесін бекіту туралы
Қазақстан Республикасы Әділет министрінің 2010 жылғы 6 мамырдағы № 157, Қазақстан Республикасы Денсаулық сақтау министрінің 2010 жылғы 18 мамырдағы № 350 және
Қазақстан Республикасы Ішкі істер министрінің 2010 жылғы 14 маусымдағы № 272 Бірлескен бұйрығы
ҚР Денсаулық сақтау министрінің 2012 жылғы 12 қазандағы № 713 және ҚР Ішкі істер министрінің 2012 жылғы 22 қазандағы № 566 Брлескен бұйрығымен күші жойылды
Бас бостандығы шектеулі, сондай-ақ сот үкімі бойынша бас бостандығынан айыру орындарында жазасын өтеп жүрген, арнайы мекемелерге орналастырылған азаматтарға медициналық көмек көрсету қағидасын қараңыз
«Халық денсаулығы және денсаулық сақтау жүйесі туралы» Қазақстан Республикасы Кодексінің 138-бабына сәйкес, БҰЙЫРАМЫЗ:
1. 1 қосымшаға сәйкес Бас бостандығы шектеулі, сондай-ақ сот үкімі бойынша жазасын бас бостандығынан айыру орындарында өтеп жүрген, арнайы мекемелерге орналастырылған азаматтарға медициналық көмек көрсету ережесі бекітілсін.
2. Осы бұйрықтың орындалуын бақылау жетекшілік ететін Қазақстан Республикасы Ішкі істер министрінің орынбасары, денсаулық сақтау және әділет вице-министрлеріне жүктелсін.
3. Бұйрықтың 2 қосымшасына сәйкес Қазақстан Республикасы Ішкі істер министрлігінің, Қазақстан Республикасы Денсаулық сақтау министрлігінің, Қазақстан Республикасы Әділет министрлігінің кейбір нормативтік құқықтық актілерінің күші жойылды деп танылсын.
4. Осы бұйрық ресми жарияланған бірінші күнінен бастап қолданысқа енгізіледі.