Қазақстан Республикасы
Қаржы министрінің 2010 жылғы
20 желтоқсандағы № 644 бұйрығымен
бекітілген
Радиожиілік спектрін пайдаланғаны үшін төлемақы,
қалааралық және (немесе) халықаралық телефон байланысын,
сондай-ақ ұялы байланысты бергені үшін төлемақы
бойынша есебін (881.00-нысан) қосымша
ҚР Қаржы министрінің 2012 жылғы 12 қаңтардағы № 15 бұйрығымен 2012 жылғы 1 қаңтардан бастап күші жойылды
Радиожиілік спектрін пайдаланғаны үшін төлемақы, қалааралық және (немесе) халықаралық телефон
байланысын, сондай-ақ ұялы байланысты бергені үшін төлемақы бойынша салық есептілігін ағымдағы
төлемдер сомасының (есебін) жасау
ережесі
(881.00-нысан)
1. Жалпы ережелер
1. Осы Ережелер «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексіне (Салық кодексі) сәйкес әзірленген және радиожиілік спектрін пайдаланғаны үшін төлемақы, қалааралық және (немесе) халықаралық телефон байланысын, сондай-ақ ұялы байланысты бергені үшін төлемақы бойынша салық есептілігін (ағымдағы төлемдер сомасының есебі) (бұдан әрі - Есеп) жасау тәртібін айқындайды. Есепті Салық кодексінің 513, 519-баптарына сәйкес радиожиілік спектрін пайдалану құқығын және (немесе) қалааралық және халықаралық телефон байланысын, сондай-ақ ұялы байланысты пайдалану құқығын алған жеке және заңды тұлғалар жасайды.
2. Есеп осы Есептің өзінен (881.00-нысан) және оған қосымшадан (881.01 881.02 нысандардан) тұрады, олар арнаулы салық міндеттерінін толықтай есептелуі туралы ақпаратты көрсетеді.
3. Есепті толтыру кезінде түзетулерге, тазартуларға, өшіруге жол берілмейді.
4. Тиісті торкөздердің көрсеткіштері жоқ болған кезде толтырылмайды.
5. Есепке Қосымша тиісті көрсеткіштерді ашуды талап ететін Есепте жолдарды толтыру кезінде міндетті тәртіпте жасаладды.
6. Есепке Қосымша онда көрсетуге жататын деректер жоқ болған кезде толтырылмайды.