ҚР Әділет министрінің 2012.29.11. № 391 бұйрығымен күші жойылды
Қазақстан Республикасы
Әділет министрінің
2011 жылғы 27 маусымдағы
№ 235 бұйрығына
7-қосымша
«Міндетті мемлекеттік тіркеуге жатпайтын жылжымалы мүлік кепілін тіркеу туралы куәліктің телнұсқасын беру»
мемлекеттік қызмет регламенті
1. Негізгі ережелер
1. Осы «Міндетті мемлекеттік тіркеуге жатпайтын жылжымалы мүлік кепілін тіркеу туралы куәліктің телнұсқасын беру» мемлекеттік қызмет регламенті (бұдан әрі - Регламент) «Әкімшілік рәсімдер туралы» Қазақстан Республикасы Заңының 9-1-бабының 4-тармағына сәйкес әзірленді.
2. Міндетті мемлекеттік тіркеуге жатпайтын жылжымалы мүлік кепілін мемлекеттік тіркеу туралы куәліктің телнұсқасын беру (бұдан әрі - телнұсқа) - уәкілетті органның тіркеу ісінде сақталатын құжаттың көшірмесінен телнұсқасын беруі жөніндегі қызметі.
3. Мемлекеттік қызметті (бұдан әрі - мемлекеттік қызмет) «облыстардың, Астана мен Алматы қалаларының жылжымайтын мүлік орталықтары» республикалық мемлекеттік қазыналық кәсіпорындары мен олардың филиалдары (бұдан әрі - уәкілетті орган) Халыққа қызмет көрсету орталығы (бұдан әрі - Орталық) арқылы ұсынады.
4. Мемлекеттік қызмет көрсету нысаны: жартылай автоматтандырылған.
5. Мемлекеттік қызмет «Жылжымалы мүлік кепілін тіркеу туралы» Қазақстан Республикасы Заңының (бұдан әрі - Заң), «Мемлекеттік қызмет көрсету стандарттарын бекіту туралы» Қазақстан Республикасы Үкіметінің 2009 жылғы 15 желтоқсандағы № 2121 қаулысының, «Жылжымалы мүлік кепілін тіркеу ережесін бекіту туралы» Әділет министрінің 1999 жылғы 22 ақпандағы № 14 бұйрығының (Нормативтік құқықтық актілер мемлекеттік тіркеу тізілімінде № 913 тіркелген) (бұдан әрі - Ереже) негізінде жүзеге асырылады.
6. Мемлекеттік қызмет көрсетудің аяқталу нәтижесі телнұсқа беру (қағаз тасығышта) немесе қызмет көрсетуден бас тарту туралы жазбаша дәлелді хабарлама беру болып табылады.
Телнұсқа кепіл берушіге және кепіл ұстаушыға беріледі.
2. Мемлекеттік қызмет көрсету тәртібіне қойылатын талаптар