Кәсіби және аудиторлық ұйымдардың есептілік тізбесін, нысандары мен ұсыну мерзімділігін, сондай-ақ аудиторлық ұйымның азаматтық-құқықтық жауапкершілігін сақтандыру жөніндегі ақпарат нысанын бекіту туралы
Қазақстан Республикасы Үкіметінің 2011 жылғы 31 қазандағы № 1239 Қаулысы
(2013.05.06. берілген өзгерістермен)
Қазақстан Республикасы Yкiметiнiң 2015 жылғы 10 тамыздағы № 636 Қаулысымен күші жойылды
«Кәсіби және аудиторлық ұйымдардың есептілік тізбесін, нысандары мен ұсыну мерзімділігін, сондай-ақ аудиторлық ұйымның азаматтық-құқықтық жауапкершілігін сақтандыру жөніндегі ақпарат нысанын бекіту туралы» Қазақстан Республикасы Қаржы министрінің 2015 жылғы 26 наурыздағы № 216 бұйрығын қараңыз
«Аудиторлық қызмет туралы» Қазақстан Республикасы 1998 жылғы 20 қарашадағы Заңының 6-бабының 4) тармақшасына және 21-бабы 2-тармағының 8) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) кәсіби және аудиторлық ұйымдардың есептілік тізбесі мен ұсыну мерзімділігі;
2) кәсіби ұйымның басшылық құрамы туралы жыл сайынғы есеп нысаны;
3) кәсіби ұйымға кірген (шыққан) аудиторлардың және аудиторлық ұйымдардың саны туралы жыл сайынғы есеп нысаны;
4) кәсіби ұйым жүргізген сыртқы сапа бақылауы туралы жыл сайынғы есеп нысаны;
5) аудиторлардың біліктілігін арттыру курстарын өткізу және сертификаттар беру туралы жыл сайынғы есеп нысаны;
6) аудиторлық ұйымдар туралы есеп нысаны;
7) аудиторлық ұйым сыртқы сапа бақылауынан өткені туралы есеп нысаны;
8), 9) тармақшалар 2012 жылғы 30 қаңтардан бастап қолданысқа енгізілді
8) аудиторлық ұйым қызметінің негізгі көрсеткіштері бойынша есеп нысаны;
9) аудиторлық ұйымның аудиторлық қызметке қойылатын біліктілік талаптарына сәйкестігі туралы есеп нысаны;
10) аудиторлық ұйымның азаматтық-құқықтық жауапкершілігін сақтандыру жөніндегі ақпарат нысаны бекітілсін.