«Ішкі істер органдарының лицензиялау-рұқсат беру жүйесін жүзеге асыру жөніндегі жұмысы туралы» нұсқаулықты және «Ішкі істер органдарында алынған, ерікті түрде тапсырылған, тауып алынған қарулар мен оқ-дәрілерді, жарылғыш заттар мен материалдарды, оқ-дәріні, суық қаруды қабылдап алу, есепке алу, сақтау және сақталуын қамтамасыз ету жөніндегі жұмыстың тәртібі туралы ережені бекіту туралы» Қазақстан Республикасының Ішкі істер министрлігінің 2003 жылғы 1 наурыздағы № 111 бұйрығына өзгерістер мен толықтырулар енгізу туралы
Қазақстан Республикасы Ішкі істер министрінің 2011 жылғы 27 қазандағы № 566 бұйрығы
Қазақстан Республикасы Ішкі істер министрінің 2016 жылғы 29 наурыздағы № 313 бұйрығымен күші жойылды
«Қазақстан Республикасының кейбір заңнамалық актілеріне рұқсат беру жүйесін жетілдіру мәселелері бойынша өзгерістер мен толықтырулар енгізу туралы» 2011 жылғы 15 шілдедегі Қазақстан Республикасы Заңын іске асыру мақсатында БҰЙЫРАМЫН:
1. «Ішкі істер органдарының лицензиялау-рұқсат беру жүйесін жүзеге асыру жөніндегі жұмысы туралы» нұсқаулықты және «Ішкі істер органдарында алынған, ерікті түрде тапсырылған, тауып алынған қарулар мен оқ-дәрілерді, жарылғыш заттар мен материалдарды, оқ-дәріні, суық қаруды қабылдап алу, есепке алу, сақтау және сақталуын қамтамасыз ету жөніндегі жұмыстың тәртібі туралы ережені бекіту туралы» 2003 жылғы 1 наурыздағы Қазақстан Республикасы Ішкі істер министрінің № 111 бұйрығына (Нормативтік құқықтық актілерді мемлекеттік тіркеу тізбесінде № 2257 тіркелген) мынадай өзгерістер енгізілсін:
Көрсетілген бұйрықпен бекітілген «Ішкі істер органдарының лицензиялау-рұқсат беру жүйесін жүзеге асыру жөніндегі жұмысы туралы» нұсқаулық осы бұйрықтың қосымшасына сәйкес редакцияда жазылсын.
2. Ішкі істер министрлігі Әкімшілік полиция комитетінің төрағасы (И.В. Лепеха):
1) Қазақстан Республикасының Әділет министрлігінде осы бұйрықтың мемлекеттік тіркелуін және оның ресми жариялануын;
2) Қазақстан Республикасы Ішкі істер министрлігінің интернет-ресурсында осы бұйрықтың жариялануын қамтамасыз етсін.