Қазақстан Республикасы
Ішкі істер министрінің
2012 жылғы 11 сәуірдегі № 227 бұйрығына
9-қосымша
Қазақстан Республикасы ішкі істер органдарының ведомстволық наградаларымен наградтауға ұсыну тәртібі туралы
нұсқаулық
1. «Ішкі істер органдарының ардагері» («Ветеран органов внутренних дел»), «Мінсіз қызметі үшін» («За безупречную службу»)
І, ІІ, ІІІ-дәрежелердегі медальдар бойынша
1. Еңбек сіңірген жылдары үшін Қазақстан Республикасы ішкі істер органдарының медальдарымен (бұдан әрі - медальдармен) наградтау жыл сайын 23 маусымға және 16 желтоқсанға Қазақстан Республикасы Президентінің атынан Қазақстан Республикасының Ішкі істер министрінің не болмаса оны ауыстыратын адамның бұйрығымен жүргізіледі.
2. Ішкі істер органдарының медальдарымен наградтауға «Қазақстан Республикасының Президентіне бағынышты және есеп беретін кейбір мемлекеттік органдардың, құқық қорғау органдарының, соттардың, Қарулы Күштердің, басқа әскерлер және әскери құрамалардың ведомстволық наградалары туралы» Қазақстан Республикасы Президентінің 2011 жылғы 30 қыркүйектегі № 155 Жарлығымен (бұдан әрі - Жарлық) бекітілген Тиісті медальмен наградтау ережелеріне сәйкес ішкі істер органдарының қызметкерлері ұсынылады.
Жазалаулары бар қызметкерлер жазалары алынғанға дейін ішкі істер органдарының медальдарымен наградталуға ұсынылмайды.