Жергілікті деңгейде мүгедектерді әлеуметтік қолдау жөніндегі кейбір мәселелер туралы
Павлодар облысы әкімдігінің 2005 жылғы 4 сәуірдегі № 110/3 қаулысы
(2009.25.12. берілген өзгерістер мен толықтыруларымен)
Осы редакция 2012 жылғы 27 желтоқсанда енгізілген өзгерістеріне дейін қолданылды
Қазақстан Республикасының 2001 жылқы 23 қаңтардағы «Қазақстан Республикасындағы жергілікті мемлекеттік басқару туралы» Заңның 27-бабы 1-тармағының 17-тармақшасына сәйкес, облыс мүгедектерін әлеуметтік қорғау мақсатында облыс әкімдігі қаулы етедi:
1. Қоса беріліп отырған:
мүгедектерге санаториялық-курорттық емделу жөніндегі жеңілдіктер, әлеуметтік төлемдер беру тәртібі туралы нұсқаулығы;
мүгедек балаларды үйде тәрбиелейтін және оқытатын отбасыларына жәрдемақы тағайындау мен төлеу тәртібі туралы нұсқаулығы бекітілсін.
2. Облыс жұмыспен қамтуды үйлестіру және әлеуметтік бағдарламалар департаменті мүгедектерге санаториялық-курорттық емделу жөніндегі жеңілдіктер, әлеуметтік төлемдер мен мүгедек балаларды үйде тәрбиелейтін және оқытатын отбасыларына жәрдемақы беруді уақытында қамтамасыз етсін.
3. Қалалар мен аудандар әкімдері осы қаулыны орындау жөнінде қажетті шаралар қолдансын.
Павлодар облысы әкімиятының 2005.29.06. № 237/6 қаулысымен 3-1-тармақпен толықтырылды
3-1. Осы қаулының 1, 2, 3-тармақтары 2005 жылғы 1 қаңтардан бастап күшіне енеді.
4. Осы қаулының орындалуын бақылау облыс әкімінің орынбасары Р.М. Жұмабековаға жүктелсін.
| Облыс әкімі | Қ. Нұрпейісов |
2005 жылғы 4 сәуірдегі
«Жергілікті деңгейде мүгедектердi
әлеуметтік қолдау жөніндегі
кейбір мәселелер туралы»
№ 110/3 қаулысымен
бекітілді
Мүгедектерге санаторлық-курорттық емделу жөніндегi жеңілдіктер, әлеуметтік төлемдер беру тәртібi туралы
Нұсқаулығы
Павлодар облысы әкімиятының 2006.30.03. № 116/4 қаулысымен 1 бөлім жаңа редакцияда
1. Жалпы ережелер