Алматы қаласы әкімдігінің 2014 жылғы 14 шілдедегі № 3/587 Қаулысымен күші жойылды
Алматы қаласы әкімдігінің
2012 жылғы 28 желтоқсандағы
№ 4/1097 қаулысымен бекітілді
«Аз қамтылған отбасы балаларының қала сыртындағы және мектеп
жанындағы лагерьлерде демалуы үшін құжаттарды қабылдау»
мемлекеттік қызмет регламенті
(2013.24.09. берілген өзгерістермен)
1. Осы «Аз қамтылған отбасы балаларының қала сыртындағы және мектеп жанындағы лагерьлерде демалуы үшін құжаттарды қабылдау» мемлекеттік қызмет регламентінде (бұдан әрі - Регламент) келесі ұғымдар пайдаланылады:
1) мемлекеттік қызмет - мемлекеттік органдардың Қазақстан Республикасының заңнамасымен белгіленген, жеке және заңды тұлғалардың қажеттіліктерін қанағаттандыруға бағытталған (мемлекеттік органдарды қоспағанда), жеке сипаттағы және жеке және (немесе) заңды тұлғалардың өтінішімен (мемлекеттік органдарды қоспағанда) жүзеге асырылатын қызметтерін іске асыру нысандарының бірі болып табылатын мемлекеттік органдардың, олардың ведомстволық бағыныстағы ұйымдарының және басқа да жеке және заңды тұлғалардың өтініші бойынша жүзеге асырылатын қызметтері;
2) мемлекеттік қызметті алушылар - күн көрісі төмен отбасылардан шыққан білім алушылар мен тәрбиеленушілер;
3) уәкілетті орган - білім беру саласындағы атқарушы орган;
4) аз қамтылған отбасылар - жиынтық айлық табысы отбасының бір адамына есептегенде соңғы 12 айда заңнамамен белгіленген күнкөріс минимумынан төмен болған отбасы.
Алматы қаласы әкімдігінің 2013.24.09. № 3/830 Қаулысымен 2-тармақ өзгертілді (бұр.ред.қара)
2. Осы мемлекеттік қызмет Регламенті «Мемлекеттік көрсетілетін қызметтер туралы» Заңының 16 бабының 1 және 3 тармақтарына сәйкес әзірленді.
3. Мемлекеттік қызмет мекенжайлары осы Регламенттің 1 қосымшасында көрсетілген Алматы қаласы Білім басқармасының білім беру ұйымдары арқылы көрсетіледі.
4. Көрсетілетін мемлекеттік қызмет нысаны: автоматтандырылмаған.