Қазақстан Республикасы Президентінің 1999 жылғы 8 қарашадағы № 90 өкіміне өзгерістер енгізу туралы
Қазақстан Республикасы Президентінің 2013 жылғы 28 мамырдағы № 205 Өкімі
ҚАУЛЫ ЕТЕМІН:
1. Қазақстан Республикасы Президентінің «Қазақстан Республикасының мемлекеттік наградаларымен наградтауға ұсынудың және оларды тапсырудың тәртібі туралы нұсқаулықты, Қазақстан Республикасының мемлекеттік наградалары құжаттарының үлгілерін және Қазақстан Республикасының мемлекеттік наградалары белгілерінің сипаттамасын бекіту туралы» 1999 жылғы 8 қарашадағы № 90 өкіміне (Қазақстан Республикасының ПҮАЖ-ы, 1999 ж., № 53, 521-құжат; 2006 ж., № 11, 101-құжат; 2007 ж., № 9, 99-құжат; 2008 ж., № 47, 525-құжат; 2010 ж., № 53, 498-құжат) мынадай өзгерістер енгізілсін:
1) жоғарыда аталған өкіммен бекітілген Қазақстан Республикасының мемлекеттік наградалары құжаттарының үлгілерінде:
№ 1 және № 2 нысандар осы өкімнің қосымшасына сәйкес редакцияда жазылсын;
2) 2-тармақ мынадай редакцияда жазылсын:
«2. Қазақстан Республикасы Президенті Әкімшілігінің Басшысы Қазақстан Республикасының мемлекеттік наградаларын және олардың құжаттарын сатып алу, есепке алу мен сақтау тәртібі туралы нұсқаулықты әзірлеп, бекітсін.».
2. Осы өкім қол қойылған күнінен бастап қолданысқа енгізіледі.
Қазақстан Республикасының Президенті |
Н. Назарбаев |
Президентінің
2013 жылғы 28 мамырдағы
№ 205 өкіміне
ҚОСЫМША
Қазақстан Республикасы
Президентінің 1999 жылғы
8 қарашадағы № 90 өкіміне
ҚОСЫМША
№ 1 Нысан
Қазақстан Республикасы
________________________
(облысы)
НАГРАДА ҚАҒАЗЫ
1. Тегі, аты, әкесінің аты _________________________________________________________________________________
2. Жеке сәйкестендіру нөмірі (ЖСН) _______________________________________________________________________
3. Лауазымы, жұмыс, қызмет орны (кәсіпорын, мекеме, ұйым бөлімшесінің атауы дәл көрсетілуі керек)
_______________________________________________________________________________________________________
4. Жынысы ____________________________________ 5. Туған жылы мен туған жері ______________________________