«Мемлекеттік материалдық резервтен материалдық құндылықтарды (жаңарту және броньнан шығару тәртібімен) шығару жөніндегі тендерлерді дайындау және өткізу ережесін бекіту туралы» Қазақстан Республикасы Төтенше жағдайлар министрінің 2011 жылғы 5 мамырдағы № 186 бұйрығына өзгерістер мен толықтырулар енгізу туралы
Қазақстан Республикасы Төтенше жағдайлар министрінің 2013 жылғы 4 мамырдағы № 189 бұйрығы
ҚР Ұлттық экономика министрінің 2014 жылғы 17 қарашадағы № 95 бұйрығымен күші жойылды
«Мемлекеттік материалдық резервтің материалдық құндылықтармен операция жасау ережесін бекіту туралы» Қазақстан Республикасы Үкіметінің 2002 жылғы 21 ақпандағы № 237 қаулысының 13-тармағына сәйкес БҰЙЫРАМЫН:
1. «Мемлекеттік материалдық резервтен материалдық құндылықтарды (жаңарту және броньнан шығару тәртібімен) шығару жөніндегі тендерлерді дайындау және өткізу ережесін бекіту туралы» Қазақстан Республикасы Төтенше жағдайлар министрінің 2011 жылғы 5 мамырдағы № 186 бұйрығына (Нормативтік құқықтық актілерді мемлекеттік тіркеу тізілімінде № 6987 тіркелген, «Заң газеті» газетінің 2011 жылғы 10 маусымдағы № 81 (1897) санында жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген Мемлекеттік материалдық резервтен материалдық құндылықтарды (жаңарту және броньнан шығару тәртібімен) шығару жөніндегі тендерлерді дайындау және өткізу ережелерінде:
3-тармақ мынадай редакцияда жазылсын:
«3. Ережелерде мынадай ұғымдар пайдаланылады:
1) кесімді баға - тендерлік комиссиямен бекітілген және тендер өткізу туралы хабарламада жарияланған тауар бірлігі үшін бастапқы баға;
2) мемлекеттік материалдық резервтің материалдық құндылықтарымен операция жасау жоспары - мемлекеттік материалдық резервтің материалдық құндылықтарын жеткізуді, сақтауды және шығаруды реттейтін құжат (бұдан әрі - Операция жасау жоспары);
3) өтінім бағасы - үміткердің тендерлік өтінімінде көрсеткен тауарға ұсынған бағасы;
4) тауар - осы Ережелерге сәйкес мемлекеттік материалдық резервтен шығаруға жататын материалдық құндылықтар;