«Қазақстан инвестицияларға жәрдемдесу орталығы» республикалық мемлекеттік кәсіпорнын қайта ұйымдастыру туралы
Қазақстан Республикасы Үкіметінің 2000 жылғы 27 наурыздағы № 447 Қаулысы
(2001.05.04. берілген өзгерістермен)
Осы редакция 2013 жылғы 5 тамызда енгізілген өзгерістеріне дейін қолданылды
Қазақстан Республикасының Үкіметі қаулы етеді:
1. «Қазақстан инвестицияларға жәрдемдесу орталығы» республикалық мемлекеттік кәсіпорны мемлекеттің жүз проценттік қатысуымен жабық акционерлік қоғамға қайта құру жолымен (бұдан әрі - Қоғам) қайта ұйымдастырылсын.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті заңдар белгілеген тәртіппен:
1) «Қазақстан инвестицияларға жәрдемдесу орталығы» республикалық мемлекеттік кәсіпорнының балансындағы мүлікті Қоғамның жарғылық капиталына берсін;