Қазақстан Республикасының кейбір нормативтік құқықтық актілеріне қаржы нарығын және қаржы ұйымдарын реттеу мен қадағалау мәселелері бойынша өзгерістер мен толықтырулар енгізу туралы
Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігі Басқармасының 2010 жылғы 1 маусымдағы № 73 қаулысы
(2012.24.02. берілген өзгерістермен)
Осы редакция 2013 жылғы 23 қыркүйекте енгізілген өзгерістеріне дейін қолданылды
Бағалы қағаздар нарығы субъектілерінің және жинақтаушы зейнетақы қорларының қызметін реттейтін Қазақстан Республикасының нормативтік құқықтық актілерді жетілдіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:
1. Агенттік Басқармасының «Кастодианның есеп беру ережесін бекіту туралы» 2004 жылғы 12 маусымдағы № 155 (Нормативтік құқықтық актілерді мемлекеттік тіркеу тізілімінде № 2941 тіркелген) қаулысына мынадай өзгерістер енгізілсін:
аталған қаулымен бекітілген Кастодианның есеп беру ережесінде:
1-тармақтың 2) тармақшасы мынадай редакцияда жазылсын:
«2) осы Ереженің 2-қосымшасының нысаны бойынша зейнетақы активтерін инвестициялық басқаруды жүзеге асыратын және инвестициялық портфельді басқаратын ұйымдардың тоқтатылған (орындалмаған) тапсырмалары туралы есепті;»;
2-қосымша осы Қаулының 1-қосымшасына сәйкес редакцияда жазылсын.
2. Агенттік Басқармасының «Зейнетақы активтерін инвестициялық басқару жөніндегі қызметті жүзеге асыратын заңды тұлғалардың есеп беру ережесін бекіту туралы» 2004 жылғы 27 қарашадағы № 330 (Нормативтік құқықтық актілерді мемлекеттік тіркеу тізілімінде № 3329 тіркелген, 2005 жылы Қазақстан Республикасы орталық атқарушы және өзге де мемлекеттік органдарының нормативтік құқықтық актілер бюллетенінде жарияланған, № 20, 186-құжат) қаулысына мынадай өзгеріс пен толықтырулар енгізілсін:
аталған қаулымен бекітілген Зейнетақы активтерін инвестициялық басқаруды жүзеге асыратын заңды тұлғалардың есеп беру ережесінде: