Солтүстік Қазақстан облысы әкімдігінің 2015 жылғы 20 тамыздағы № 309 Қаулысымен күші жойылды
Солтүстік Қазақстан облысы
әкімдігінің
2014 жылғы 14 наурыздағы
№ 60 қаулысымен
бекітілді
«Мал шаруашылығы өнімдерінің өнімділігі мен сапасын арттыруды субсидиялау»
мемлекеттік көрсетілетін қызмет регламенті
(2014.18.09. берілген өзгерістермен)
1. Жалпы ережелер
1. «Мал шаруашылығы өнімдерінің өнімділігі мен сапасын арттыруды субсидиялау» мемлекеттік көрсетілетін қызметті Солтүстік Қазақстан облысының, аудандардың және облыстық маңызы бар қаланың жергілікті атқарушы органдары (бұдан әрі - көрсетілетін қызметті беруші) көрсетеді.
Өтініштерді қабылдау және мемлекеттік қызмет көрсету нәтижелерін беру осы регламенттің 1-қосымшада көрсетілген мекенжайлар бойынша көрсетілетін қызметті берушінің кеңсесі арқылы жүзеге асырылады.
2. Мемлекеттік қызмет көрсету нысаны: қағаз түрінде.
3. Мемлекеттік қызметті көрсету нәтижесі кейіннен көрсетілетін қызметті алушылардың банктік есепшоттарына тиесілі бюджеттік субсидияларды аудару үшін аумақтық қазынашылық бөлімшесіне төлем есепшоттарының тізілімін ұсыну не мемлекеттік қызмет көрсетуден бас тарту туралы дәлелді жауап болып табылады.
2. Мемлекеттік қызмет көрсету үдерісінде қызмет көрсетушінің (қызметкерлерінің) құрылымдық бөлімшелерінің өзара іс-қимыл жасау тәртібінің сипаттамасы
4. Мемлекеттік қызмет көрсету бойынша рәсімнің басталу негізі - көрсетілетін қызметті берушінің кеңсесіне мыналарды ұсыну болып табылады:
іс жүзінде өнім өткізуге субсидиялар алу үшін:
1) осы регламенттің 2-қосымшасына сәйкес нысан бойынша өтінімдер мен құжаттар топтамасын;
құс фабрикалары өтінімдерін «Қазақстанның құс өсірушілері одағы» заңды тұлғалар бірлестігімен келіскеннен кейін ұсынады;
жемшөптердің құнын арзандатуға бюджеттік субсидиялар алу үшін:
2) осы регламенттің 3-қосымшасына сәйкес нысан бойынша өтінімдер мен құжаттар топтамасын;
Көрсетілетін қызметті алушылар түзетілген немесе толықтырылған өтінімді қайта енгізуге құқылы.