Балықтың қайда ауланғаны туралы анықтама нысанын бекіту туралы
Қазақстан Республикасы Қоршаған орта және су ресурстары министрінің 2014 жылғы 5 маусымдағы № 204-ө бұйрығы
ҚР Премьер-Министрінің орынбасары - ҚР Ауыл шаруашылығы министрінің 2016 жылғы 8 шілдедегі № 304 бұйрығымен күші жойылды
Қазақстан Республикасының 2004 жылғы 9 шілдедегі «Жануарлар дүниесін қорғау, өсімін молайту және пайдалану туралы» Заңының 9-бабы 1-тармағының 51-38)-тармақшасына сәйкес БҰЙЫРАМЫН:
1. Қоса беріліп отырған балықтың қайда ауланғаны туралы анықтама нысаны бекітілсін.
2. Қазақстан Республикасы Қоршаған ортаны қарғау министрінің 2013 жылғы 27 тамыздағы № 262-Ө «Балықтың қайда ауланғаны туралы анықтама нысанын бекіту туралы» бұйрығы (Нормативтік құқықтық кесімдерді мемлекеттік тіркеу тізілімінде № 8779 тіркелген, 2014 жылдың 01 ақпандағы № 22 (27643) «Казахстанская правда» газетінде жарияланған) күші жойылды деп танылсын.
3. Қазақстан Республикасының Қоршаған орта және су ресурстары министрлігі Балық шаруашылығы комитеті заңнамада белгіленген тәртіпте:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың мемлекеттік тіркелгеннен кейін он күнтізбелік күн ішінде оны ресми жариялауға мерзімдік баспа басылымдарына және «Әділет» ақпараттық-құқықтық жүйесіне жіберілуін;
3) осы бұйрықтың Қазақстан Республикасының Қоршаған орта және су ресурстары министрлігінің интернет-ресурсында орналастырылуын қамтамасыз етсін.
4. Осы бұйрықтың орындалуын бақылау Қазақстан Республикасының Қоршаған орта және су ресурстары министрлігінің жетекшілік ететін Вице-министріне жүктелсін.