Қазақстан Республикасының Ұлттық қауiпсiздiк комитетi туралы ереженi бекiту туралы
Қазақстан Республикасы Президентiнiң 1996 жылғы 1 сәуiрдегі № 2922 Жарлығы
(2025.09.12. берілген өзгерістер мен толықтырулармен)
Осы Жарлыққа өзгеріс пен толықтырулар енгізу туралы ҚР Президентінің 2025 жылғы 9 желтоқсандағы № 1116 Жарлығын қараңыз (2027 ж. 1 қаңтардан бастап қолданысқа енгізіледі)
ҚР Президентінің 2013.13.08. № 613 Жарлығымен (бұр.ред.қара); 2023.28.12. № 423 Жарлығымен (2024 ж. 4 қаңтардан бастап қолданысқа енгізілді) (бұр.ред.қара) кіріспе жаңа редакцияда
«Қазақстан Республикасының ұлттық қауіпсіздік органдары туралы» Қазақстан Республикасы Заңының 3-бабының 6) тармақшасына сәйкес ҚАУЛЫ ЕТЕМІН:
1. Қазақстан Республикасы Ұлттық қауiпсiздiк комитетi туралы қоса берiлiп отырған Ереже бекiтiлсiн.
2. Мыналардың күшi жойылған деп танылсын:
«Қазақстан Республикасының Ұлттық қауiпсiздiк комитетi, оның жергiлiктi жерлердегi органдары мен Ұлттық қауiпсiздiк комитетiне бағынатын әскерлер туралы ереженi бекiту туралы» Қазақстан Республикасы Президентiнiң 1992 жылғы 30 желтоқсандағы № 1042 қаулысы;
«Қазақстан Республикасының Ұлттық қауiпсiздiк комитетi, оның жергiлiктi жерлердегi органдары мен Ұлттық қауiпсiздiк комитетiне бағынатын әскерлер туралы ереженi бекiту туралы» Қазақстан Республикасы Президентiнiң 1992 жылғы 30 желтоқсандағы № 1042 қаулысына толықтырулар енгiзу туралы» Қазақстан Республикасы Президентiнiң 1994 жылғы 13 сәуiрдегi № 1653 қаулысы;
«Қазақстан Республикасының Ұлттық қауiпсiздiк комитетi, оның жергiлiктi жерлердегi органдары және Ұлттық қауiпсiздiк комитетiне бағынатын әскерлер туралы ереженi бекiту туралы» Қазақстан Республикасы Президентiнiң 1992 жылғы 30 желтоқсандағы № 1042 қаулысына толықтырулар енгiзу туралы» Қазақстан Республикасы Президентiнiң 1995 жылғы 7 сәуiрдегi № 2183 қаулысы.
Қазақстан Республикасының
Президентi