«Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті және Қазақстан Республикасы Білім және ғылым министрлігінің ақпараттық жүйелерінің өзара әрекеттесуі туралы» Қазақстан Республикасы Бас Прокурорының м.а. 2014 жылғы 15 желтоқсандағы № 154 және Қазақстан Республикасы Білім және ғылым министрінің 2014 жылғы 15 желтоқсандағы № 524 бірлескен бұйрығы

Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті және Қазақстан Республикасы Білім және ғылым министрлігінің ақпараттық жүйелерінің өзара әрекеттесуі туралы
Қазақстан Республикасы Бас Прокурорының м.а. 2014 жылғы 15 желтоқсандағы № 154 және Қазақстан Республикасы Білім және ғылым министрінің 2014 жылғы 15 желтоқсандағы № 524 бірлескен бұйрығы

Қазақстан Республикасы Президентінің Әкімшілігі Басшысының «Құқық қорғау органдарының ақпараттық жүйелерін ықпалдастыру шаралары туралы» 2009 жылғы 23 қарашадағы № 52-9.240 және 2010 жылғы 20 сәуірдегі № 52-9.240/1687-7 тапсырмаларын жүзеге асыру мақсатында және ақпараттық өзара әрекеттестіктің жеделдігін арттыру мақсатында, БҰЙЫРАМЫЗ:

1. Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің (бұдан әрі - ҚР БП Комитеті) Төрағасы С.М. Айтпаеваға және Қазақстан Республикасы Білім және ғылым вице-министрі (бұдан әрі - Министрлік) Т.О. Балықбаевқа:

1) ҚР БП Комитетінің «Құқық қорғау және арнайы органдардың ақпарат алмасу жүйесінің» (бұдан әрі - ҚАО ААЖ) Министрліктің «Жоғарғы білім беру бірыңғай басқару жүйесімен» (бұдан әрі - ЖБББЖ) өзара әрекеттесуін, сондай-ақ студенттер мен түлектер туралы мәліметтердің берілуін сақтауды қамтамасыз етсін;

2) ақпараттық өзара әрекеттесуді жүзеге асыруға және ақпараттық қауіпсіздіктің қажетті деңгейін қамтамасыз етуге жауапты қызметкерлерді белгілесін. Жауапты тұлғалардың құрамы өзгерген жағдайда ықпалдастырылған өзара әрекеттестікке қатысушыларды уақтылы хабарландырсын.