Пайдалы қазбаларды барлауға, өндіруге және бірлескен барлау мен өндіруге арналған жер қойнауын пайдалану құқығын беру бойынша тікелей келіссөздер жүргізу жөніндегі жұмыс тобы туралы ережені және оның құрамын бекіту туралы
Қазақстан Республикасы Инвестициялар және даму министрінің м.а. 2014 жылғы 25 желтоқсандағы № 293 бұйрығы
(2015.26.03. берілген өзгерістер мен толықтырулармен)
ҚР Инвестициялар және даму министрінің м.а. 2015.26.03. № 335 бұйрығымен тақырыбы жаңа редакцияда (бұр.ред.қара)
«Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасы Заңының 17-бабы 27) тармақшасына сәйкес БҰЙЫРАМЫН:
1. Мыналар бекітілсін:
1) осы бұйрыққа 1-қосымшаға сәйкес пайдалы қазбаларды барлау мен өндіруге жер қойнауын пайдалану құқығын беру бойынша тікелей келіссөздер жүргізу жөніндегі жұмыс тобы туралы ереже;
2) осы бұйрыққа 2-қосымшаға сәйкес пайдалы қазбаларды барлау мен өндіруге жер қойнауын пайдалану құқығын беру бойынша тікелей келіссөздер жүргізу жөніндегі жұмыс тобының құрамы.
2. «Пайдалы қазбаларды барлауға және өндіруге арналған жер қойнауын пайдалану құқығын беру бойынша тікелей келіссөздер жүргізу жөніндегі жұмыс тобын құру туралы» Қазақстан Республикасының Индустрия және жаңа технологиялар бірінші вице-министрінің міндетін атқарушының 2011 жылғы 20 желтоқсандағы № 466 бұйрығының күші жойылды деп танылсын.
3. Осы бұйрықтың орындалуын бақылау Қазақстан Республикасының Инвестициялар және даму вице-министрі А.П. Рауға жүктелсін.
4. Осы бұйрық қол қойылған күнінен бастап күшіне енеді, таратуға жатады.