Қазақстан Республикасы Төтенше жағдайлар министрлігінің кейбір мәселелері туралы
Қазақстан Республикасы Үкіметінің 2022 жылғы 17 қарашадағы № 915 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасы Төтенше жағдайлар министрлігі Шымкент қаласының төтенше жағдайлар департаменті «Тұран» ауданының төтенше жағдайлар басқармасы» мемлекеттік мекемесі құрылсын.
2. Осы қаулының 1-тармағында көрсетілген мемлекеттік мекемені қаржыландыру республикалық бюджетте Қазақстан Республикасының Төтенше жағдайлар министрлігін ұстауға көзделген қаражат есебінен және соның шегінде жүзеге асырылады деп белгіленсін.
3. Осы қаулыға қосымшаға сәйкес тізбе бойынша Қазақстан Республикасы Төтенше жағдайлар министрлігінің және оның ведомствосының қарамағындағы мемлекеттік мекемелер – аумақтық органдар мен мемлекеттік мекемелердің атауы өзгертілсін.
4. Қазақстан Республикасы Үкіметінің кейбір шешімдеріне мынадай өзгерістер мен толықтыру енгізілсін:
1) «Қазақстан Республикасының аумағында апатқа ұшыраған туристерге қажетті көмек көрсететін мамандандырылған қызметтердің тізбесін бекіту туралы» Қазақстан Республикасы Үкіметінің 2003 жылғы 14 мамырдағы № 450 қаулысында:
көрсетілген қаулымен бекітілген Қазақстан Республикасының аумағында апатқа ұшыраған туристерге қажетті көмек көрсететін мамандандырылған қызметтердің тізбесінде:
реттік нөмірі 2-жол мынадай редакцияда жазылсын:
«