Осы редакция 2016 жылғы 22 тамызда енгізілген өзгерістеріне дейін қолданылды
Қазақстан Республикасы
Инвестициялар және даму министрінің
міндетін атқарушының
2015 жылғы 28 мамырдағы
№ 657 бұйрығына
4-қосымша
«Барлаумен немесе өндірумен байланысты емес жерасты құрылыстарын салу және (немесе)
пайдалануға келісімшарт жасасу бойынша тікелей келіссөздерге қатысу өтініміне қорытынды беру»
мемлекеттік қызмет көрсету регламенті
1. Жалпы ережелер
1. «Барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт жасасу бойынша тікелей келіссөздерге қатысу өтініміне қорытынды беру» туралы мемлекеттік қызметін Қазақстан Республикасы Инвестициялар және даму министрлігінің Геология және жер қойнауын пайдалану Комитеті (бұдан әрі - көрсетілетін қызметті беруші) көрсетеді.
Өтініштерді қабылдау және мемлекеттік көрсетілетін қызмет нәтижелерін беру көрсетілетін қызметті берушінің кеңсесі арқылы жүзеге асырылады.
2. Мемлекеттік қызметті көрсетудің нәтижесін беру нысаны: қағаз түрінде.
3. Мемлекеттік көрсетілетін қызметтің нәтижесі - барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт жасасу бойынша тікелей келіссөздерге қатысу өтініміне қорытынды беру (бұдан әрі - қорытынды-хат).
Мемлекеттік қызметті көрсетудің нәтижесін беру нысаны: қағаз түрінде.
2. Мемлекеттік қызметті көрсету рәсімдей көрсетілетін қызметті
берушінің құрылымдық бөлімшелерінің (қызметкерлерінің) іс-қимыл
тәртібінің сипаттамасы