«Қазақстан Республикасының тұрғын үй қорын мемлекеттік есепке алуды жүзеге асырудың бірыңғай қағидаларын бекіту туралы» Қазақстан Республикасы Ұлттық экономика министрінің 2015 жылғы 19 ақпандағы № 110 бұйрығына өзгерістер мен толықтырулар енгізу туралы
Қазақстан Республикасы Өнеркәсіп және құрылыс министрінің 2025 жылғы 15 сәуірдегі № 126 бұйрығы
БҰЙЫРАМЫН:
1. «Қазақстан Республикасының тұрғын үй қорын мемлекеттік есепке алуды жүзеге асырудың бірыңғай қағидаларын бекіту туралы» Қазақстан Республикасы Ұлттық экономика министрінің 2015 жылғы 19 ақпандағы № 110 бұйрығына (Нормативтік құқықтық актілерді мемлекеттік тіркеу тізілімінде № 10525 болып тіркелген) мынадай өзгерістер мен толықтыру енгізілсін:
осы бұйрықтың тақырыбы мынадай редакцияда жазылсын:
«Қазақстан Республикасының тұрғын үй қорын мемлекеттік есепке алуды жүзеге асырудың қағидаларын бекіту туралы»;
осы бұйрықтың 1-тармағы мынадай редакцияда жазылсын:
«1. Қазақстан Республикасының тұрғын үй қорын мемлекеттік есепке алуды жүзеге асырудың қоса беріліп отырған қағидалары бекітілсін»;
көрсетілген бұйрықпен бекітілген Қазақстан Республикасының тұрғын үй қорын мемлекеттік есепке алуды жүзеге асырудың бірыңғай қағидаларында:
тақырыбы мынадай редакцияда жазылсын:
«Қазақстан Республикасының тұрғын үй қорын мемлекеттік есепке алуды жүзеге асырудың қағидалары»;
1-тармақ мынадай редакцияда жазылсын:
«1. Осы Қазақстан Республикасының тұрғын үй қорын мемлекеттік есепке алуды жүзеге асырудың қағидалары (бұдан әрі - Қағидалар) «Тұрғын үй қатынастары туралы» Қазақстан Республикасы Заңының 10-2-бабының 10-12) тармақшасына және «Мемлекеттік статистика туралы» Қазақстан Республикасының Заңына сәйкес әзірленді және Қазақстан Республикасының тұрғын үй қорын мемлекеттік есепке алуды жүзеге асыру тәртібін айқындайды.»;
5-тармақ мынадай редакцияда жазылсын: