«Өзіндік ерекшелігі бар тауарлардың бақылау тізімін бекіту туралы» Қазақстан Республикасы Индустрия және инфрақұрылымдық даму министрінің 2023 жылғы 9 маусымдағы № 424 бұйрығына өзгерістер енгізу туралы
Қазақстан Республикасы Өнеркәсіп және құрылыс министрінің 2025 жылғы 29 желтоқсандағы № 556 бұйрығы
БҰЙЫРАМЫН:
1. «Өзіндік ерекшелігі бар тауарлардың бақылау тізімін бекіту туралы» Қазақстан Республикасы Индустрия және инфрақұрылымдық даму министрінің 2023 жылғы 9 маусымдағы № 424 бұйрығына (Нормативтік құқықтық актілерді мемлекеттік тіркеу тізілімінде № 32767 болып тіркелген) мынадай өзгерістер енгізілсін:
көрсетілген бұйрықпен бекітілген өзіндік ерекшелігі бар тауарлардың бақылау тізімінде:
«Қазақстан Республикасының аумағынан тыс жерде өнімнің экспорты, кері экспорты, транзиті және қайта өңделуі кезіндегі өзіндік ерекшелігі бар тауарларды бақылауға жататын өнім» бөлігінде:
2В201 тармағы а тармақшасы мынадай редакцияда жазылсын:
«2В201 тармақ бойынша бақыланатындарды қоспағанда дайындаушының техникалық ерекшелемесіне сәйкес бір мезгілдік «контурлық басқару» үшін электронды құрылғылармен жабдықталған металдарды, «керамиканы» немесе «композициялық материалдарды» кесуге немесе өңдеуге арналған станоктар.
а. МЕСТ ISO 230-2-2016 «Станоктарды сынау нормалары және ережелері. 2-бөлім. Сандық бағдарламалық басқарумен станоктар осьтерінің орналасуының дәлдігі мен қайталануын анықтау» стандартының немесе оның ұлттық баламаларының талаптарына сәйкес мынадай әдістемелерді қолдана отырып, өлшеу нәтижесінде алынған орналасу нақтылығының белгіленген деңгейлері, егер бұған ұлттық реттеуші органдар рұқсат етсе, жекелеген станокқа арналған дербес өлшеулердің орнына станоктың әр моделі үшін пайдаланылуы мүмкін. Белгіленген орналасу нақтылығының дәлдігін айқындау:
1. Бағаланатын модельдің бес станогын таңдау;
2. МЕСТ ISO 230-2-2016 «Станоктарды сынау нормалары және ережелері. 2-бөлім. Сандық бағдарламалық басқарумен станоктар осьтерінің орналасуының дәлдігі мен қайталануын анықтау» стандартына сәйкес сызықты осьтердің дәлдігін өлшеу;