Қобда ауданында коммуналдық қалдықтардың түзілу және жинақталу нормаларын есептеу қағидаларын бекіту туралы
Ақтөбе облысы Қобда ауданы әкімдігінің 2022 жылғы 11 мамырдағы № 158 Қаулысы
(2022.14.06. берілген өзгерістермен)
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31, 37 баптары, Қазақстан Республикасы Экология кодексінің 365-бабы, «Коммуналдық қалдықтардың түзілу және жинақталау нормаларын есептеудің үлгілік қағидаларын бекіту туралы» Қазақстан Республикасы Экология, геология және табиғи ресурстар министрінің 2021 жылғы 1 қыркүйектегі № 347 бұйрығына сәйкес, аудан әкімдігі ҚАУЛЫ ЕТЕДІ:
1. Қобда ауданы коммуналдық қалдықтардың түзілу және жинақталу нормаларын есептеу қағидалары осы қаулының қосымшасына сәйкес бекітілсін.
Ақтөбе облысы Қобда ауданы әкімдігінің 2022.14.06. № 191 Қаулысымен 2-тармақ өзгертілді (бұр.ред.қара)
2. «Қобда аудандық сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесі заңнамада көрсетілген тәртіппен:
1) осы қаулының Қазақстан Республикасы нормативтік құқықтық актілерінің эталондық бақылау банкіне ресми жариялануын қамтамасыз етсін.
3. Осы қаулының орындалуын бақылау аудан әкімінің жетекшілік ететін орынбасарына жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізілсін.
| Аудан әкімі | Б. Құлов |
Ақтөбе облысы Қобда ауданы әкімдігінің 2022.14.06. № 191 Қаулысымен қағида жаңа редакцияда (бұр.ред.қара)
Қобда ауданы әкімдігінің
2022 жылғы 11 мамырдағы
№ 158 қаулысына қосымша
Қобда ауданында коммуналдық қалдықтардың түзілу және жинақталу нормаларын есептеудің
қағидалары
1. Жалпы ережелер