2) осы тармақтың 1) тармақшасында көрсетілмеген салық төлеушілер үшін үш жылды құрайды.
3. Егер осы баптың 4 - 7-тармақтарында өзгеше көзделмесе, талап қоюдың ескіру мерзімінің өтуі тиісті салықтық кезең аяқталғаннан кейін басталады.
1) преференциялар объектісі танылғанға дейін инвестициялық салықтық преференциялар шегерім əдісімен қолданылған кезде - инвестициялық салықтық преференциялардың қолданылуы кезінде жəне преференциялар объектісі танылған күннен бастап бес жыл бойы;
2) тиісті келісімнің (шарттың, келісімшарттың) қолданылу кезеңінде осы Кодекстің 17-бөліміне сəйкес салықтық преференциялар мен жеңілдіктерді қолдану көзделген салықтар бойынша - осындай келісімнің (шарттың, келісімшарттың) қолданылу кезеңі ішінде жəне:
осындай келісімнің (шарттың, келісімшарттың) қолданылу мерзімі өткен күннен бастап;
осындай келісімнің (шарттың, келісімшарттың) қолданысы өзгедей тоқтатылған жылдан кейінгі жылдың бірінші қаңтарынан бастап бес жыл бойы салық төлеуші салықтардың сомаларын есептеуге құқылы, ал салық органы есептеуге жəне есепке жазуға құқылы.
5. Қызметін жер қойнауын пайдалануға арналған келісімшартқа сəйкес жүзеге асыратын салық төлеушілер бойынша салық органы осындай келісімшарттың қолданылу кезеңі ішінде жəне қолданылу мерзімі аяқталғаннан кейін бес жыл бойы:
үстеме пайда салығын;
өнімдерді бөлу бойынша Қазақстан Республикасының үлесін;
есептеу əдістемесінде рентабельділіктің ішкі нормасының көрсеткіші немесе пайданың ішкі нормасының көрсеткіші не R-фактор (кірістілік көрсеткіші) пайдаланылатын салықтар мен бюджетке төленетін төлемдердің сомасын есепке жазуға жəне (немесе) олардың есептелген, есепке жазылған сомасын қайта қарауға құқылы.
6. Талап қоюдың ескіру мерзімінің өтуі:
1) Қазақстан Республикасының аумағында алғаш рет пайдалануға берілген өндірістік мақсаттағы ғимараттар мен құрылысжайларды салу кезеңіндегі салықтық міндеттеме жəне қосылған құн салығының асып кету сомасын қайтару туралы талап бойынша осы Кодекстің 129-бабы 2-тармағының 2) тармақшасы қолданылған жағдайда - мұндай ғимараттар мен құрылысжайлар алғаш рет пайдалануға берілген салықтық кезең аяқталғаннан кейін;
2) геологиялық барлау жұмыстарын жүргізу жəне кен орнын жайластыру кезеңіндегі салықтық міндеттеме жəне қосылған құн салығының асып кету сомасын қайтару туралы талап бойынша осы Кодекстің 129-бабы 2-тармағының 1) тармақшасында көзделген қайтару тəртібі қолданылған жағдайда - кең таралған пайдалы қазбаларды, жерасты суларын жəне емдік балшықтарды қоспағанда, жер қойнауын пайдалануға арналған тиісті келісімшарт шеңберінде өндірілген пайдалы қазбалар экспортының басталуы тұспа-тұс келетін салықтық кезең аяқталғаннан кейін басталады;
3) осы Кодекстің 122 жəне 126-баптарында көзделген тəртіппен қосылған құн салығының асып кетуінің расталған сомасын есепке жатқызу (немесе) қайтару жүргізілген жағдайда - осындай соманың анықтығы, оның ішінде Қазақстан Республикасының заңнамасына сəйкес салықтық тексеру нəтижелеріне шағым жасау нəтижелері бойынша расталған салықтық кезең аяқталғаннан кейін басталады.
7. Салықтың, бюджетке төленетін төлемнің, өсімпұлдардың артық (қате) төленген сомасын есепке жатқызу жəне (немесе) қайтару үшін талап қоюдың ескіру мерзімінің өтуі осы Кодекстің 122-бабының 5-тармағына сəйкес айқындалады.
8. Талап қоюдың ескіру мерзімі:
1) салықтар мен бюджетке төленетін төлемдерді есепке жазу жəне (немесе) олардың есептелген сомасын қайта қарау бөлігінде салық төлеуші (салық агенті) талап қоюдың ескіру мерзімі күнтізбелік бір жылға жетпей өтетін кезеңдегі қосымша салықтық есептілікті немесе хабарлама бойынша салықтық есептілікті ұсынған жағдайда - күнтізбелік бір жылға;
2) бюджетке төленетін корпоративтік табыс салығын есепке жазу жəне (немесе) оның есептелген сомасын қайта қарау бөлігінде салық төлеуші (салық агенті) талап қоюдың ескіру мерзімі күнтізбелік бір жылға жетпей өтетін кезеңдегі залалдарды ауыстыру бөлігінде қосымша салықтық есептілікті ұсынған жағдайда - күнтізбелік үш жылға;
3) Қазақстан Республикасы ратификациялаған халықаралық шарттың негізінде бейрезиденттің бюджеттен табыс салығын қайтаруға арналған салықтық өтінішін қарау нəтижелері бойынша шығарылған шешім орындалғанға дейін;
4) осы Кодекстің 232-бабына сəйкес жүргізілген өзара келісу рəсімінің қорытындылары бойынша қабылданған шешім орындалғанға дейін;
5) анықталған бұзушылықтар бөлігінде - талап қоюдың ескіру мерзімі өткенге дейін жіберілген жəне табыс етілген, камералдық бақылау нəтижелері бойынша анықталған алшақтықтар туралы хабарлама, тауарларды өткізу, жұмыстарды орындау жəне қызметтерді көрсету бойынша айналымның нақты жасалғанын растау туралы хабарлама орындалғанға дейін;
6) салықтық берешекті өтеу туралы хабарлама жəне жеке тұлғаның салықтық берешегі өтелгені туралы хабарлама орындалғанға дейін;
7) салық органы инвестор халықаралық төрелікте бастамашылық жасаған төрелік талқылау бойынша ол шағым жасаған салықтық кезең басталғаннан бастап осындай төрелік талқылау бойынша түпкілікті шешім шығарылғанға дейінгі кезеңде талқылаудың нысанасы болып табылған салықтар мен бюджетке төленетін төлемдерді есепке жазу жəне (немесе) олардың есептелген, есепке жазылған сомаларын қайта қарау бөлігінде - осындай талқылау аяқталғаннан кейін бес жылға;
8) салық органының Қазақстан Республикасының заңнамасында белгіленген берешекті өндіріп алу туралы шарт бойынша коллекторлық қызметті жүзеге асыратын салық төлеушінің салықтарын жəне бюджетке төленетін төлемдерін есепке жазу жəне (немесе) олардың есептелген, есепке жазылған сомасын қайта қарауы бөлігінде - көрсетілген шарт бойынша коллекторлық қызмет бойынша қызмет көрсету аяқталған жылдан кейінгі жылдан бастап күнтізбелік үш жылға ұзартылады.
9. Салықтар мен бюджетке төленетін төлемдерді есепке жазу жəне (немесе) олардың есептелген, есепке жазылған сомасын қайта қарау бөлігінде талап қоюдың ескіру мерзімі:
1) салықтық тексеру басталған күннен бастап салықтық тексеру нəтижелері туралы хабарлама орындалған күнге дейінгі;
2) салық органы лауазымды адамдарының əрекеттеріне (əрекетсіздігіне) шағым берілген күннен бастап жоғары тұрған салық органы шешім шығарған жəне (немесе) сот актісі заңды күшіне енген күнге дейінгі кезеңге тоқтатыла тұрады.
Салықтық тексеру салықтық тексерудің басталу күніне күнтізбелік отыз күннен аз уақыт қалған салықтық кезеңдегі талап қоюдың ескіру мерзімінің өтуіне дейін осындай мерзім өткеннен кейін аяқталған жағдайда, талап қоюдың ескіру мерзімін тоқтата тұру көрсетілген салықтық кезеңге қолданылмайды. Осындай салықтық тексерумен қамтылған қалған салықтық кезеңдер бойынша тексерілетін кезеңдегі талап қоюдың ескіру мерзімі салықтық тексеру басталған салықтық кезеңнен кейінгі салықтық кезеңнен бастап тоқтатыла тұрады.
1-параграф. Мүлікті сенімгерлік басқаруға беру кезінде салықтық міндеттемені орындау
66-бап. Мүлікті сенімгерлік басқаруға беру кезінде салықтық міндеттемені орындау жөніндегі жалпы ережелер
1. Осы Кодекстің мақсаттары үшін мүлікті сенімгерлік басқаруға беру жөніндегі қызмет бойынша салықтық міндеттеме деп мүлікті сенімгерлік басқаруды құру нəтижесінде, оны жүзеге асыру жəне (немесе) тоқтату процесінде туындайтын салықтық міндеттеме түсініледі.
Сенімгерлік басқару жөніндегі қызмет бойынша корпоративтік жəне жеке табыс салықтары бойынша салықтық міндеттемені орындауды:
1) мүлікті сенімгерлік басқару шарты, мүлікті сенімгерлік басқаруды құру туралы акт бойынша сенімгерлік басқару құрылтайшысы немесе мүлікті сенімгерлік басқару туындайтын өзге де жағдайларда пайда алушы (бұдан əрі - осы Кодекстің мəтіні бойынша - сенімгерлік басқару құрылтайшысы) мыналар бойынша:
сенімгерлік басқаруға берілген қатысу үлесі жəне (немесе) акциялар;
Қазақстан Республикасы Ұлттық қорының активтерін қоспағанда, Ұлттық Банкке сенімгерлік басқаруға берілген мүлік;
мүлікті сенімгерлік басқаруды құру туралы акт бойынша сенімгерлік басқаруға берілген мүлік;
заңды тұлға, дара кəсіпкер сенімгерлік операциялар бойынша екінші деңгейдегі банктен алған кіріс;
егер сенімгерлік басқару құрылтайшысы осындай міндет жүктелген жеке тұлға болып табылса, «Қазақстан Республикасындағы сайлау туралы» Қазақстан Республикасының Конституциялық Заңына, Қазақстан Республикасының Қылмыстық-атқару кодексіне жəне «Сыбайлас жемқорлыққа қарсы іс-қимыл туралы» Қазақстан Республикасының Заңына сəйкес декларацияны жасау жəне тапсыру бойынша жүзеге асырады.
Осы Кодекстің мақсаттары үшін мүлікті сенімгерлік басқаруды құру туралы акт деп мүлікті сенімгерлік басқарудың туындауына негіз болатын, қызметін Қазақстан Республикасында жүзеге асырмайтын бейрезидент-жеке тұлға немесе бейрезидент-заңды тұлға сенімгерлік басқарушылар болып табылатын құжат түсініледі;
2) мүлікті сенімгерлік басқарудың өзге де жағдайларында - сенімгерлік басқарушы жүзеге асырады. Бұл ретте дара кəсіпкерден басқа, жеке тұлғаның жəне тұрақты мекеме құрмай, қызметін Қазақстан Республикасында жүзеге асыратын бейрезидент-заңды тұлғаның салық агенті болып табылатын екінші деңгейдегі банк жүзеге асыратын сенімгерлік операциялардан алған кірісі бойынша салықтық міндеттемені осындай екінші деңгейдегі банк салық агентінің міндеттерін атқару түрінде орындайды.
Сенімгерлік басқарушы мынадай:
егер Қазақстан Республикасының заңнамасына сəйкес мүлікті сенімгерлік басқару құқығы мемлекеттік тіркеуге жататын болса - мұндай құқық мемлекеттік тіркелген;
егер Қазақстан Республикасының заңнамасына сəйкес сенімгерлік басқару құқығы мемлекеттік тіркеуге жатпайтын болса - мүлікті сенімгерлік басқару шартын жасасқан немесе мүлікті сенімгерлік басқару туындайтын өзге де жағдайдың басталғанын растайтын құжат жасалған күннен бастап туындайтын салықтық міндеттемелерді орындайды.
2. Сенімгерлік басқару жөніндегі қызмет бойынша қосылған құн салығы бойынша туындайтын салықтық міндеттемені орындауды сенімгерлік басқарушы осы Кодекстің 7-бөлігінде жəне 99 - 101-баптарында айқындалған тəртіппен жүзеге асырады.
3. Осы баптың 1 жəне 2-тармақтарында көрсетілмеген салық жəне бюджетке төленетін төлемдер бойынша туындайтын салықтық міндеттемені орындауды, егер осы Кодекстің 67-бабында өзгеше белгіленбесе, осы Кодекске сəйкес осындай салықтарды, бюджетке төленетін төлемді төлеуші деп танылған тұлға жүзеге асырады.
4. Резидент болып табылатын сенімгерлік басқарушы-жеке тұлға, мүлікті қатысу үлесі мен акциялар түрінде сенімгерлік басқаруға алған жағдайлардан басқа, осы Кодекстің 97-бабында айқындалған тəртіппен дара кəсіпкер ретінде салық органында тіркеу есебіне тұруға тиіс.
5. Осы параграфтың ережелері Қазақстан Республикасының инвестициялық жəне венчурлік қорлар туралы заңнамасына сəйкес басқарушы компанияның инвестициялық қор активтерін сенімгерлік басқаруды құруы, жүзеге асыруы жəне (немесе) тоқтатуы нəтижесінде туындайтын салықтық міндеттемелерге қолданылмайды.
67-бап. Мемлекеттік мекемелердің мүлікті сенімгерлік басқаруға беруі кезінде салықтық міндеттемені орындау ерекшеліктері
1. Мемлекеттік мекемелер мүлікті сенімгерлік басқаруға берген кезде мемлекеттік заңды тұлғалардың шаруашылық жүргізу немесе жедел басқару құқығындағы, «Электр энергетикасы туралы» Қазақстан Республикасы Заңының 13-1-бабына сəйкес электр желілеріне тікелей қосылған энергия беруші ұйымдарға сенімгерлік басқаруға немесе өтеусіз пайдалануға берілген электр желілерін қоспағанда, егер мүлікті сенімгерлік басқару шартында немесе мүлікті сенімгерлік басқаруды құру туралы актіде өзгеше белгіленбесе, мүлік салығы, жер салығы жəне көлік құралдары салығы бойынша салықтық міндеттемелер сенімгерлік басқарушының орындауына жатады.
2. Сенімгерлік басқарушы, егер мүлікті сенімгерлік басқару шартында немесе мүлікті сенімгерлік басқаруды құру туралы актіде өзгеше белгіленбесе, салықты есептеу мен төлеу, салықтық есептілікті жасау жəне ұсыну бойынша салықтық міндеттемелерді:
егер Қазақстан Республикасының заңнамасына сəйкес сенімгерлік басқару құқығын мемлекеттік тіркеу талап етілетін болса - осындай құқық мемлекеттік тіркелген;
егер Қазақстан Республикасының заңнамасына сəйкес сенімгерлік басқару құқығын мемлекеттік тіркеу талап етілмейтін болса - мүлікті сенімгерлік басқару шарты немесе мүлікті сенімгерлік басқаруды құру туралы акт жасалған күннен бастап орындайды.
егер мүлікті сенімгерлік басқару шартында немесе мүлікті сенімгерлік басқаруды құру туралы актіде өзгеше белгіленбесе, салықтарды есептеу мен төлеу, салықтық есептілікті жасау жəне ұсыну бойынша салықтық міндеттемені өз атынан, осындай сенімгерлік басқарушы қатарына жататын тұлғалар үшін осы Кодекстің Ерекше бөлігінде белгіленген мөлшерлемелер бойынша жəне тəртіппен орындайды;
мүлікті сенімгерлік басқаруға берген кезде салықтық міндеттемені орындау мақсатында осы Кодекстің 210-бабына сəйкес бөлек салықтық есепке алуды жүргізуге міндетті.
4. Егер мемлекеттік мекемелер мүлікті сенімгерлік басқаруға берген кезде мемлекеттік мекеменің мүлкі халықаралық қаржылық есептілік стандарттарына жəне (немесе) Қазақстан Республикасының бухгалтерлік есеп пен қаржылық есептілік туралы заңнамасының талаптарына сəйкес негізгі құралдар, жылжымайтын мүлікке инвестициялар құрамында сенімгерлік басқарушының есебіне алынбайтын болса, онда мұндай мүлікті қабылдау-беру актісінде мұндай мүліктің акт жасалған күнгі баланстық құны көрсетілуге тиіс.
68-бап. Корпоративтік жəне жеке табыс салықтары бойынша мүлікті сенімгерлік басқару нəтижесінде туындайтын кірістерді, шығындарды жəне мүлікті есепке алу жөніндегі жалпы ережелер
1. Осы Кодекстің мақсаттары үшін мүлікті сенімгерлік басқарудың кірістері, шығындары жəне мүлкі деп сенімгерлік басқарушы өз атынан жəне сенімгерлік басқару құрылтайшысының мүддесіне орай мүлікті сенімгерлік басқару жөніндегі міндеттерді жүзеге асыруы процесінде туындайтын, тиісінше:
алынуға жататын (алынған) кірістер;
мүлікті сенімгерлік басқару шартында, мүлікті сенімгерлік басқаруды құру туралы актіде немесе мүлікті сенімгерлік басқару туындайтын өзге де жағдайларда өтеу көзделген, төленуге жататын (жүргізілген) шығындар, оның ішінде сыйақы;
сенімгерлік басқарушы өз атынан жəне сенімгерлік басқару құрылтайшысының мүддесіне орай мүлікті сенімгерлік басқару жөніндегі міндеттерді жүзеге асыру процесінде сатып алған жəне (немесе) алған мүлік түсініледі.
2. Сенімгерлік басқарушы сенімгерлік басқару шарты жөніндегі қызмет бойынша корпоративтік жəне жеке табыс салықтары бойынша салықтық міндеттемені орындау мақсатында осы Кодекстің 210 жəне 211-баптарына сəйкес бөлек салықтық есепке алуды жүргізуге міндетті.
3. Сенімгерлік басқару құрылтайшысының мүлікті сенімгерлік басқарушыға беруі осы құрылтайшы үшін осындай мүлікті өткізу болып табылмайды жəне ол сенімгерлік басқарушының кірісі деп танылмайды.
4. Сенімгерлік басқарушының сенімгерлік басқару құрылтайшысына мүлікті немесе мүліктің бір бөлігін қайтаруы немесе ішінара қайтаруы, оның ішінде мүлікті сенімгерлік басқару шартының, мүлікті сенімгерлік басқаруды құру туралы актінің қолданылуы тоқтатылған кезде немесе мүлікті сенімгерлік басқару туындайтын өзге де жағдайларда қайтаруы немесе ішінара қайтаруы осы басқарушы үшін осындай мүлікті өткізу болып табылмайды жəне ол сенімгерлік басқару құрылтайшысының кірісі (залалы) деп танылмайды.
Қазақстан Республикасының жер қойнауы жəне жер қойнауын пайдалану туралы заңнамасында белгіленген жағдайларда сенімгерлік басқарушының (көмірсутектер немесе уран саласындағы ұлттық компанияның) мүлікті жаңа жер қойнауын пайдаланушыға беруі осы басқарушы үшін осындай мүлікті өткізу болып табылмайды.
5. Қазақстан Республикасының азаматтық заңнамасында көзделген сенімгерлік басқарушының өз қызметі туралы есебі негізінде айқындалатын салықтық кезеңдегі сенімгерлік басқарудың кірістері мен шығындары арасындағы оң айырма сенімгерлік басқару құрылтайшысының сенімгерлік басқаруынан түсетін таза кірісі болып табылады.
6. Осы Кодекстің 66-бабының 1-тармағына сəйкес сенімгерлік басқарушы мүлікті сенімгерлік басқару жөніндегі қызмет бойынша корпоративтік жəне жеке табыс салықтары бойынша салықтық міндеттемелерді орындауды жүзеге асырған жағдайларда, сенімгерлік басқару құрылтайшысы мүлікті сенімгерлік басқару шартында немесе мүлікті сенімгерлік басқару туындайтын өзге де жағдайда көзделген жəне сенімгерлік басқарушыға төленетін сыйақы сомасын шегерімдерге жатқызуға құқылы емес.
69-бап. Корпоративтік жəне жеке табыс салықтары бойынша салықтық міндеттемені орындайтын сенімгерлік басқарушыны салықтық есепке алу ерекшеліктері
1. Осы Кодекстің 66-бабына сəйкес сенімгерлік басқарушы сенімгерлік басқару жөніндегі қызмет бойынша корпоративтік жəне жеке табыс салықтары бойынша салықтық міндеттемені орындауды жүзеге асырған жағдайда, мүлікті сенімгерлік басқарудың кірістері, шығындары жəне мүлкі салықтық есепке алу мақсаттары үшін сенімгерлік басқарушының кірістері, шығындары жəне мүлкі болып табылады.
Мүлікті сенімгерлік басқару шартында немесе мүлікті сенімгерлік басқару туындайтын өзге де жағдайда көзделген сыйақы сенімгерлік басқарушының мүлікті сенімгерлік басқарудың кірістерінен бөлек есептелетін жылдық жиынтық кірісіне қосылады.
Сенімгерлік басқарушы сенімгерлік басқару жөніндегі қызмет бойынша салық салу объектісін айқындаған кезде мүлікті сенімгерлік басқарудың кірістерінен бөлек есепке алынатын өзінің жылдық жиынтық кірісіне қосылған сыйақының сомасын шегерімдерге жатқызады.
2. Сенімгерлік басқарушы сенімгерлік басқару құрылтайшысының мүддесіне орай жүзеге асырылатын қызметті қоса алғанда, тұтастай бүкіл қызмет бойынша - корпоративтік табыс салығы бойынша бірыңғай декларацияны жəне мүлікті сенімгерлік басқарудың əрбір шарты немесе мүлікті сенімгерлік басқару туындайтын əрбір өзге де жағдай бойынша - бөлек сенімгерлік басқару жөніндегі қызмет жəне өзге де қызмет бойынша декларацияға қосымшаны жасайды жəне ұсынады.
3. Сенімгерлік басқарушы -заңды тұлға осы Кодексте айқындалған тəртіппен корпоративтік табыс салығы жөніндегі міндеттемені мынадай ерекшеліктерді ескере отырып орындайды:
мүлікті сенімгерлік басқару жөніндегі қызмет бойынша корпоративтік табыс салығының осы Кодекстің 357-бабының 1-тармағында көрсетілген мөлшерлемесін қолданады;
мүлікті сенімгерлік басқару жөніндегі қызмет бойынша осы Кодекстің 34-тарауының жəне 17-бөлімінің ережелерін қолданбайды;
мүлікті сенімгерлік басқару жөніндегі қызмет бойынша арнаулы салық режимдерін қолданбайды.
4. Сенімгерлік басқару құрылтайшысы заңды тұлға болып табылатын жағдайларда, сенімгерлік басқарушы-жеке тұлға:
мүлікті сенімгерлік басқару жөніндегі қызмет бойынша жеке табыс салығын осы Кодекстің 400-бабының ережелерін қолданбай, осы Кодекстің 357-бабында көрсетілген мөлшерлеме бойынша есептеу бойынша салықтық міндеттемені орындайды;
мүлікті сенімгерлік басқару жөніндегі қызмет бойынша арнаулы салық режимдерін қолдануға құқылы емес;
қатарына сенімгерлік басқарушы жататын тұлғалар үшін осы Кодекстің Ерекше бөлігінде айқындалған тəртіппен жеке табыс салығы бойынша өзге де салықтық міндеттемелерді орындайды.
5. Сенімгерлік басқару құрылтайшысы резидент-жеке тұлға болып табылатын жағдайларда, сенімгерлік басқарушы-жеке тұлға:
осы Кодекстің 400-бабының ережелерін қолданбай, мүлікті сенімгерлік басқару жөніндегі қызмет бойынша жеке табыс салығын есептеу бойынша салықтық міндеттемені орындайды;
сенімгерлік басқару жөніндегі қызмет бойынша арнаулы салық режимін қолдануға құқылы емес;
қатарына сенімгерлік басқарушы жататын тұлғалар үшін осы Кодекстің Ерекше бөлігінде айқындалған тəртіппен жеке табыс салығы бойынша өзге де салықтық міндеттемелерді орындайды.
6. Сенімгерлік басқару құрылтайшысы бейрезидент-жеке тұлға болып табылатын жағдайларда, сенімгерлік басқарушы-жеке тұлға мынадай ерекшеліктерді ескере отырып, осы Кодексте айқындалған тəртіппен жеке табыс салығы бойынша салықтық міндеттемелерді орындайды:
мүлікті сенімгерлік басқару жөніндегі қызмет бойынша осы Кодекстің 682-бабы 1-тармағының бірінші бөлігінің 1) тармақшасында көрсетілген мөлшерлемені қолданады;
осы Кодекстің 400-бабының ережелерін қолданбайды;
арнаулы салық режимдерін қолданбайды.
70-бап. Қатысу үлесі жəне акциялар түріндегі мүлікті сенімгерлік басқару кезінде корпоративтік жəне жеке табыс салықтары бойынша салықтық есепке алу ерекшеліктері
1. Салықтық есепке алу мақсаттары үшін:
сенімгерлік басқарудағы қатысу үлесі мен акциялар бойынша дивидендтер түріндегі, сенімгерлік басқарушы жұмсаған шығындар сомасына азайтылған, мүлікті сенімгерлік басқару шарты, мүлікті сенімгерлік басқаруды құру туралы акт немесе мүлікті сенімгерлік басқару туындайтын өзге де жағдайлар жəне сенімгерлік басқарушының өз қызметі туралы есебі негізінде өтелген (өтеуге жататын) кіріс сенімгерлік басқару құрылтайшысының кірісі болып табылады;
қатысу үлестерін жəне акцияларды сенімгерлік басқарудан түсетін мүлік сенімгерлік басқару құрылтайшысының мүлкі болып табылады.
Мүлікті сенімгерлік басқару шартында, мүлікті сенімгерлік басқаруды құру туралы актіде немесе мүлікті сенімгерлік басқару туындайтын өзге де жағдайда көзделген, сенімгерлік басқарушыға төлеуге жататын сыйақы сенімгерлік басқару құрылтайшысының шығындары болып табылады.
Сенімгерлік басқарушының қатысу үлестері мен акцияларды сенімгерлік басқарудың кірісіне мыналар қосылады:
мүлікті сенімгерлік басқаруды құру туралы актіде көзделген сыйақы;
сенімгерлік басқарушы жұмсаған, өтелуі мүлікті сенімгерлік басқару шартында, мүлікті сенімгерлік басқаруды құру туралы актіде немесе мүлікті сенімгерлік басқару туындайтын өзге де жағдайда жəне сенімгерлік басқарушының өз қызметі туралы есебінде көзделген шығындар сомасы.
Сенімгерлік басқарушы жұмсаған, өтелуі мүлікті сенімгерлік басқару шартында, мүлікті сенімгерлік басқаруды құру туралы актіде немесе мүлікті сенімгерлік басқару туындайтын өзге де жағдайда жəне сенімгерлік басқарушының өз қызметі туралы есебінде көзделген қатысу үлестері мен акцияларды сенімгерлік басқару шығындары салықтық есепке алу мақсаттары үшін осындай сенімгерлік басқарушының шығындары болып табылады.
Мұндай шығындар сенімгерлік басқарудағы қатысу үлесі мен акциялар бойынша дивидендтер түріндегі сенімгерлік басқару құрылтайшысының кірісін азайтады жəне сенімгерлік басқару құрылтайшысында шығындар, шығыстар ретінде есепке алынбайды.
2. Сенімгерлік басқару құрылтайшысы осы Кодексте айқындалған тəртіппен корпоративтік жəне жеке табыс салықтары бойынша салықтық міндеттемені орындайды.
3. Сенімгерлік басқарушы қатарына осындай сенімгерлік басқарушы жататын тұлғалар үшін осы Кодекстің Ерекше бөлігінде айқындалған тəртіппен қатысу үлестері мен акцияларды сенімгерлік басқарудың кірістері, шығындары жəне мүлкі бойынша корпоративтік жəне жеке табыс салықтары бойынша салықтық міндеттемені орындайды.
71-бап. Қатысу үлесі мен акциялардан басқа, мүлікті сенімгерлік басқаруды құру туралы актілер бойынша корпоративтік жəне жеке табыс салықтары бойынша салықтық есепке алу ерекшеліктері
1. Салықтық есепке алу мақсаттары үшін:
қатысу үлесі мен акциялардан басқа, сенімгерлік басқарудағы мүлік бойынша, бейрезидент-сенімгерлік басқарушы жұмсаған, мүлікті сенімгерлік басқаруды құру туралы акт жəне сенімгерлік басқарушының өз қызметі туралы есебі негізінде өтелген (өтеуге жататын) шығындар сомасына азайтылған кіріс сенімгерлік басқару құрылтайшысының кірісі болып табылады;
мүлікті сенімгерлік басқарудан түсетін мұндай мүлік сенімгерлік басқару құрылтайшысының мүлкі болып табылады;
мүлікті сенімгерлік басқаруды құру туралы актіде көзделген, сенімгерлік басқарушыға төлеуге жататын сыйақы сенімгерлік басқару құрылтайшысының шығындары болып табылады.
Қатысу үлесі мен акциялардан басқа, сенімгерлік басқарушының мүлікті сенімгерлік басқарудан түсетін кірісіне мыналар қосылады:
мүлікті сенімгерлік басқаруды құру туралы актіде көзделген сыйақы;
сенімгерлік басқарушы жұмсаған, өтелуі мүлікті сенімгерлік басқаруды құру туралы актіде жəне сенімгерлік басқарушының өз қызметі туралы есебінде көзделген шығындар сомасы.
Қатысу үлесі мен акциялардан басқа, сенімгерлік басқарушы жұмсаған, өтелуі мүлікті сенімгерлік басқаруды құру туралы актіде жəне сенімгерлік басқарушының өз қызметі туралы есебінде көзделген мүлікті сенімгерлік басқару шығындары осындай сенімгерлік басқарушының шығындары болып табылады.
Мұндай шығындар сенімгерлік басқарудағы мүлік бойынша сенімгерлік басқару құрылтайшысының кірісін азайтады жəне сенімгерлік басқару құрылтайшысында шығындар ретінде есепке алынбайды.