Қазақстан Республикасының
Заңы
Рұқсаттар және хабарламалар туралы
(2017.10.02. берілген өзгерістер мен толықтырулармен)
Осы редакция 2017 жылғы 27 ақпанда енгізілген өзгерістеріне дейін қолданылды
Осы Заңға өзгерістер енгізу туралы:
ҚР 2015 жылғы 24 қарашадағы № 422-V Заңын қараңыз (2020 ж. 16 желтоқсаннан бастап қолданысқа енгізіледі);
ҚР 2016 жылғы 29 наурыздағы № 479-V Заңын қараңыз (күшіне енетін мерзімін қара)
Осы Заң жекеше кәсіпкерлік субъектілерінің және осы Заңда көзделген басқа да тұлғалардың жекелеген қызмет түрлерін немесе әрекеттерді жүзеге асыруының рұқсат беру немесе хабарлама жасау тәртібін енгізуге байланысты қоғамдық қатынастарды реттейді.
1-бап. Осы Заңда пайдаланылатын негізгі ұғымдар
Осы Заңда мынадай негізгі ұғымдар пайдаланылады:
2015.24.11. № 419-V ҚР Заңымен 1) тармақша жаңа редакцияда (бұр.ред.қара)
1) ақпараттандыру саласындағы уәкiлеттi орган - ақпараттандыру және «электрондық үкiмет» саласында басшылықты және салааралық үйлестіруді жүзеге асыратын орталық атқарушы орган;