Қазақстан Республикасы
Энергетика министрінің
2016 жылғы 30 желтоқсандағы
№ 580 бұйрығына
3-қосымша
«Гидроэлектр станцияларындағы су ағынын есепке алу жөніндегі әдістемелік
нұсқаулар
(2025.16.03. берілген өзгерістермен)
ҚР Энергетика министрінің 2025.27.02. № 103-н/қ бұйрығымен 1-тармақ жаңа редакцияда (2025 ж. 16 наурыздан бастап қолданысқа енгізілді) (бұр.ред.қара)
1. Осы Гидроэлектр станцияларындағы су ағынын есепке алу жөніндегі әдістемелік нұсқаулар (бұдан әрі - Әдістемелік нұсқаулар) Қазақстан Республикасы Үкіметінің 2014 жылғы 19 қыркүйектегі № 994 қаулысымен бекітілген Қазақстан Республикасы Энергетика министрлігі туралы ереженің 15-тармағының 323) тармақшасына сәйкес әзірленген және гидроэлектр станцияларында (бұдан әрі - ГЭС) су ағынын есепке алуды ұйымдастыруға, өткізуге арналады және белгіленген қуаты 5 МВт астам барлық гидроэлектр станцияларына таралады.
2. Осы Әдістемелік нұсқауларда мынадай негізгі ұғымдар мен анықтамалар пайдаланылады:
1) гидроэлектр станциясы - су ағынының энергиясын энергия көзі ретінде пайдаланатын электр станциясы;
2) эжекциялық әсер - қысымы неғұрлым төмен суды қысымы неғұрлым жоғары су ағынымен ұлғайту.
Осы Әдістемелік нұсқауларда пайдаланылатын өзге ұғымдар мен анықтамалар мен анықтамалар Қазақстан Республикасының электр энергетикасы саласындағы заңнамасына сәйкес қолданылады
2-тарау. ГЭС-те ескерілетін су ағынының негізгі құрауыштары
3. Су торабының жармасы арқылы өтетін су ағыны, гидроагрегаттар арқылы су шығынынан, түрлі су өткізетін құрылыстардан (бос жолдар арқылы су ағызу, шлюздер, жуып-шаю галереялары) ағызылатын шығыннан, сүзгілеуге және түрлі ағып кетулерге (қақпақтардың тығыз емес жерлерінен, гидротурбиналардың жабық бағыттайтын аппараттарынан, шлюздердің қақпалары) кеткен шығыннан және жеке мұқтаждыққа арналған шығыннан құралады.