Қазақстан Республикасы
Өнеркәсіп және
құрылыс министрінің
2026 жылғы 4 қарашадағы
№ 560 бұйрығына 2-қосымша
Кәсіптік стандарт:
«Құрылыс алаңындағы жер жұмыстары»
1-тарау. Жалпы ережелер
1. Кәсіптік стандарттың қолдану аясы: Кәсіптік стандарт «Құрылыс алаңындағы жер жұмыстары» «Кәсіптік біліктілік туралы» Қазақстан Республикасының Заңы 5-бабының 5-тармағына сәйкес әзірленді және жер жұмыстарын орындаумен айналысатын қызметкерлердің негізгі кәсіптерін құрылымдау, жұмыстар сипаттамаларын және негізгі еңбек функцияларын сипаттау, сондай-ақ біліктілік деңгейіне, құзыреттілігіне, еңбек мазмұнына, сапасына және жағдайларына қойылатын талаптарды айқындау мақсатында қолданылады. Осы кәсіптік стандарт құрылыс алаңдарында жер жұмыстарын ұйымдастыру және орындау кезінде, оның ішінде топырақты қазу, жылжыту, төсеу және тығыздау, қазаншұңқырлар мен орларды орнату, аумақты жоспарлау, сондай-ақ құрылыс машиналары мен механизмдерін қауіпсіз пайдалануды қамтамасыз ету кезінде қолданылады. Стандарт білім беру бағдарламаларын әзірлеу, кадрларды даярлау және қайта даярлау, кәсіби біліктілікті бағалау және тану кезінде пайдалануға арналған.
2. Осы кәсіптік стандартта мынадай терминдер, анықтамалар мен қысқартулар қолданылады:
1) Салалық біліктілік шеңбері (СБШ) - салада танылатын сараланған біліктілік деңгейлерінің негіздемелік құрылымы болып табылатын ұлттық біліктілік жүйесінің құрамдас бөлігі (кіші жүйесі);
2) Кәсіптік стандарт - кәсіби қызметтің нақты саласында біліктілік пен құзыреттілік деңгейіне, еңбек мазмұнына, сапасына және жағдайына қойылатын талаптарды айқындайтын стандарт;