Сот-сараптама қызметі саласындағы кәсіптік стандарттарын бекіту туралы
Қазақстан Республикасы Әділет министрінің 2024 жылғы 23 қаңтардағы № 60 бұйрығы
(2026.19.01. берілген өзгерістермен)
«Кәсіптік біліктілік туралы» Қазақстан Республикасының Заңының 5-бабының 5-тармағына сәйкес БҰЙЫРАМЫН:
ҚР Әділет министрінің 2024.27.12. № 1062 бұйрығымен (2025 ж. 16 қаңтардан бастап қолданысқа енгізілді) (бұр.ред.қара); 2025.30.12. № 817 бұйрығымен (2026 ж. 19 қаңтардан бастап қолданысқа енгізілді) (бұр.ред.қара) 1-тармақ өзгертілді
1. Мыналар:
1) осы бұйрыққа 1-қосымшаға сәйкес «Құжаттардың cот сараптамасы» кәсіптік стандарты;
2) осы бұйрыққа 2-қосымшаға сәйкес «Сот экологиялық сараптамасы» кәсіптік стандарты;
3) осы бұйрыққа 3-қосымшаға сәйкес «Компьютерлік технология құралдарын сот-сараптамалық зерттеу» кәсіптік стандарты;
4) осы бұйрыққа 4-қосымшаға сәйкес «Есірткі құралдары, психотроптық заттар, олардың аналогтары мен прекурсорлардың сот сараптамасы» кәсіптік стандарты;
5) осы бұйрыққа 5-қосымшаға сәйкес «Сот-медициналық химия-токсикологиялық сараптама» кәсіптік стандарты;
6) осы бұйрыққа 6-қосымшаға сәйкес «Сот молекулярлық-генетикалық сараптамасы/зерттеуі» кәсіптік стандарты бекітілсін;
7) осы бұйрыққа 7-қосымшаға сәйкес «Сот портреттік сараптамасы» кәсіби стандарты бекітілсін;
8) осы бұйрыққа 8-қосымшаға сәйкес «Сот бейнефонографиялық сараптамасы» кәсіби стандарты бекітілсін;
9) осы бұйрыққа 9-қосымшаға сәйкес «Сот трасологиялық сараптамасы» кәсіби стандарты бекітілсін;
10) осы бұйрыққа 10-қосымшаға сәйкес «Сот баллистикалық сараптамасы» кәсіби стандарты бекітілсін;
11) осы бұйрыққа 11-қосымшаға сәйкес «Лакты бояу материалдарын, жабындар мен полимер материалдарын сот-сараптамалық зерттеу» кәсіби стандарты бекітілсін;
12) осы бұйрыққа 12-қосымшаға сәйкес «Мұнай өнімдері мен жанар-жағармай материалдарын сот-сараптамалық зерттеу» кәсіби стандарты бекітілсін;
13) осы бұйрыққа 13-қосымшаға сәйкес «Металдар мен қорытпаларды сот-сараптамалық зерттеу» кәсіби стандарты бекітілсін;