«Валидациялау мен верификациялауды жүргізу қағидаларын бекіту туралы» Қазақстан Республикасы Экология, геология және табиғи ресурстар министрінің 2022 жылғы 14 қаңтардағы № 12 бұйрығына өзгерістер мен толықтырулар енгізу туралы
Қазақстан Республикасы Экология және табиғи ресурстар министрінің 2024 жылғы 28 ақпандағы № 49 бұйрығы
БҰЙЫРАМЫН:
1. «Валидациялау мен верификациялауды жүргізу қағидаларын бекіту туралы» Қазақстан Республикасы Экология, геология және табиғи ресурстар министрінің 2022 жылғы 14 қаңтардағы № 12 бұйрығына (Нормативтік құқықтық актілерді мемлекеттік тіркеу тізілімінде № 26587 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Валидациялау және верификациялауды жүргізу қағидаларында:
2-тармақ мынадай мазмұндағы 1-1), 7-1), 8-1), 9-1) тармақшалармен толықтырылсын:
«1-1) аккредиттеу аттестаты - аккредиттеу жөніндегі орган беретін, аккредиттеу субъектілерінің сәйкестікті бағалаудың белгілі бір саласында жұмыстарды орындауға құзыреттілігін куәландыратын құжат;»;
«7-1) валидатор - валидациялауды жүргізуге және валидация бойынша есеп жасауға жауапты құзыретті және бейтарап тұлға;»;
«8-1) валидациялау және верификациялау жөніндегі жоспар - валидациялау және верификациялау жөніндегі орган әзірлеген және іс-қимылдар мен кестелерді сипаттайтын құжаттамалық ресімделген іс-шаралар кешені, оның ішінде:
валидациялау/верификациялаудың мақсаттары мен қолдану аясы;
валидациялау/верификациялау командасының мүшелерін және олардың командадағы рөлдері мен міндеттерін айқындау;
валидациялау/верификациялау жөніндегі қызметтің мерзімдері мен ұзақтығы;
белгілі бір талаптар;»;
«9-1) верификатор - верификациялауды жүргізуге және верификациялау жөніндегі хаттамаға жауапты құзыретті және бейтарап тұлға;»;
3-тармақ мынадай редакцияда жазылсын: