Техникалық және кәсіптік, орта білімнен кейінгі білімнің мамандықтары мен біліктіліктерінің сыныптауышын бекіту туралы
Қазақстан Республикасы Білім және ғылым министрінің 2018 жылғы 27 қыркүйектегі № 500 бұйрығы
(2025.19.05. берілген өзгерістер мен толықтырулармен)
ҚР Білім және ғылым министрінің 2021.08.04. № 157 бұйрығымен (бұр.ред.қара); ҚР Оқу-ағарту министрінің 2023.22.06. № 180 бұйрығымен (2023 ж. 10 шілдеден бастап қолданысқа енгізілді) (бұр.ред.қара); 2025.30.04. № 98 бұйрығымен (2025 ж. 19 мамырдан бастап қолданысқа енгізілді) (бұр.ред.қара) кіріспе жаңа редакцияда
«Білім туралы» Қазақстан Республикасы Заңының 5-бабының 44) тармақшасына сәйкес БҰЙЫРАМЫН:
ҚР Білім және ғылым министрінің 2019.10.12. № 530 бұйрығымен 1-тармақ жаңа редакцияда (2020 ж. 1 қыркүйектен бастап қолданысқа енгізілді) (бұр.ред.қара)
1. Мыналар:
1) осы бұйрыққа 1-қосымшаға сәйкес редакцияда техникалық және кәсіптік білімнің мамандықтары мен біліктіліктерінің сыныптауышы;
2) осы бұйрыққа 2-қосымшаға сәйкес редакцияда орта білімнен кейінгі білімнің мамандықтары мен біліктіліктерінің сыныптауышы бекітілсін.
ҚР Білім және ғылым министрінің м.а. 2021.21.01. № 28 бұйрығымен 1-1-тармақпен толықтырылды; ҚР Оқу-ағарту министрінің 2025.30.04. № 98 бұйрығымен 1-1-тармақ жаңа редакцияда (2025 ж. 19 мамырдан бастап қолданысқа енгізілді) (бұр.ред.қара)
1-1. Қазақстан Республикасы Оқу-ағарту министрлігінің Білім саласында сапаны қамтамасыз ету комитеті және оның аумақтық органдары:
1) лицензиаттың өтініші негізінде техникалық және кәсіптік, орта білімнен кейінгі білімнің мамандықтары бойынша бұрын берілген білім беру қызметімен айналысуға арналған лицензияларға қосымшаларды осы бұйрыққа сәйкес қайта ресімдеуді қамтамасыз етсін;
2) техникалық және кәсіптік, орта білімнен кейінгі білімнің мамандықтары бойынша білім беру қызметімен айналысуға арналған лицензияларға қосымшаларды қайта ресімдеу кезінде осы бұйрықты және білім беру саласындағы уәкілетті органның әдістемелік нұсқаулықтарын басшылыққа алсын.