«Қылмыстық қудалау органдарының жұмысы туралы» № 1-Е нысанды статистикалық есепті және оны құрастыру Нұсқаулығын бекіту туралы» Қазақстан Республикасы Бас Прокурорының 2014 жылғы 1 қазандағы № 102 бұйрығына өзгерістер енгізу туралы
Қазақстан Республикасы Бас Прокурорының 2021 жылғы 4 қарашадағы № 145 бұйрығы
БҰЙЫРАМЫН:
1. «Қылмыстық қудалау органдарының жұмысы туралы» № 1-Е нысанды статистикалық есепті және оны құрастыру Нұсқаулығын бекіту туралы» Қазақстан Республикасы Бас Прокурорының 2014 жылғы 1 қазандағы № 102 бұйрығына (Нормативтік құқықтық актілерді мемлекеттік тіркеу тізілімінде № 9852 болып тіркелген) мынадай өзгерістер енгізілсін:
тақырыбы мынадай редакцияда жазылсын:
«Қылмыстық қудалау органдарының жұмысы туралы» № 1-Е есептің нысанын және оны құрастыру жөніндегі нұсқаулықты бекіту туралы»;
1-тармақ мынадай редакцияда жазылсын:
«1. Мыналар:
1) осы бұйрықтың 1-қосымшасына сәйкес «Қылмыстық қудалау органдарының жұмысы туралы» № 1-Е есептің нысаны;
2) осы бұйрықтың 2-қосымшасына сәйкес «Қылмыстық қудалау органдарының жұмысы туралы» № 1-Е есепті қалыптастыру жөніндегі нұсқаулық бекітілсін;
көрсетілген бұйрықпен бекітілген «Қылмыстық қудалау органдарының жұмысы туралы» № 1-Е статистикалық есеп нысанында:
«Қылмыстық істерді сотқа дейінгі тергеп-тексеру мерзімдері бойынша қылмыстық қудалау органдарының көрсеткіштері» № 5 кестесі осы бұйрықтың қосымшасына сәйкес жаңа редакцияда жазылсын;
көрсетілген бұйрықпен бекітілген «Қылмыстық қудалау органдарының жұмысы туралы» № 1-Е нысанды есепті құрастыру бойынша нұсқаулықта:
тақырыбы мынадай редакцияда жазылсын:
«Қылмыстық қудалау органдарының жұмысы туралы» № 1-Е нысанды есепті қалыптастыру жөніндегі нұсқаулық»;
1-тараудың тақырыбы мынадай редакцияда жазылсын:
«1-тарау. Жалпы ережелер»;
1-тармақ мынадай редакцияда жазылсын:
«1. «Қылмыстық қудалау органдарының жұмысы туралы» № 1-Е есебі (бұдан әрі – есеп) қылмыстық істерді тергеп-тексеру барысында қылмыстық қудалау органдары қызметінің нәтижелерін көрсетеді және 7 кестеден тұрады.