Қазақстан Республикасы
Әділет министрінің
2024 жылғы 23 қаңтардағы
№ 60 бұйрығына
6-қосымша
«Сот молекулярлық-генетикалық сараптамасы/зерттеуі»
кәсіптік стандарты
1 - тарау. Жалпы ережелер
1. «Кәсіптік біліктілік туралы» Қазақстан Республикасы Заңының 5-бабының 5-тармағына сәйкес «Сот молекулярлық-генетикалық сараптамасы/зерттеуі» кәсіптік стандарты сот-сараптама қызметі саласындағы сот молекулярлық-генетикалық сараптамасын жүргізу жөніндегі сот сарапшысының біліктілік, құзыреттілік деңгейіне, еңбек мазмұнына, сапасына және жағдайларына қойылатын талаптарды айқындауға арналған.
2. Осы кәсіптік стандартта мынадай терминдер, анықтамалар мен қысқартулар қолданылады:
1) білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;
2) дағды - кәсіптік міндетті толығымен орындауға мүмкіндік беретін білім мен машықты қолдану қабілеті;
3) жазба - қол жеткізілген нәтижелер туралы мәліметтерді қамтитын құжат немесе жүзеге асырылған қызметтің расталуы верификацияның, ескертуші және түзетуші әрекеттердің жүргізілуінің куәлігін ұсыну және қадағалауын рәсімдеу үшін;
4) молекулярлық-генетикалық сараптамасының мәні - нақты адамды ұқсастыру немесе шығу тегінің биологиялық ортақтығын (биологиялық туыстық) айқындау мақсатында билогия және криминалистика саласындағы арнайы ғылыми білімдер негізінде анықталатын адамның гендік ДНҚ-ның полиморфты генетикалық белгілерінің нақты деректері болып табылады;