«Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына өзгерістер енгізу туралы
Қазақстан Республикасы Ұлттық экономика министрінің м.а. 2025 жылғы 30 маусымдағы № 63 бұйрығы
БҰЙЫРАМЫН:
1. «Тарифтерді қалыптастыру қағидаларын бекіту туралы» Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығына (Нормативтік құқықтық актілерді мемлекеттік тіркеу тізілімінде № 19617 болып тіркелген) мынадай өзгерістер енгізілсін:
көрсетілген бұйрықпен бекітілген Тарифтерді қалыптастыру қағидаларында:
6) тармақша мынадай редакцияда жазылсын:
«6) жасалған мемлекеттік-жекешелік әріптестік шарты негізінде тарифті айқындау қағидаларын;»;
57) тармақша мынадай редакцияда жазылсын:
«57) қарыз капиталы - мемлекеттік-жекешелік әріптестік объектісін құру немесе реконструкциялау үшін қарыздар (кредиттер алу, облигациялар шығару және сату, ақшалай міндеттемелердің басқа да түрлері бойынша қаражат алу) есебінен пайда болған капитал;»;
80) және 81) тармақшалар мынадай редакцияда жазылсын:
«80) мәлімделген вагон айналымы - тұтынушының және (немесе) мемлекеттік-жекешелік әріптестік субъектісінің уақытша төмендету коэффицентін бекітуге арналған өтінімінде көрсетілген жоспарланған вагон айналымы;
81) мәлімделген жүк айналымы (жолаушылар айналымы) - тұтынушының және (немесе) мемлекеттік-жекешелік әріптестік субъектісінің уақытша төмендету коэффицентін бекітуге арналған өтінімінде көрсетілген жоспарланған жүк айналымы (жолаушылар айналымы);»;
85) тармақша мынадай редакцияда жазылсын:
«85) меншікті қаражат - мемлекеттік-жекешелік әріптестік объектісін құру және реконструкциялау үшін пайдаланылатын мемлекеттік-жекешелік әріптестік субъектісінің ақшалай қаражаты (акционерлік (жарғылық) капитал, бөлінбеген пайда (таза кіріс) немесе амортизациялық аударымдар);»;
113) тармақша мынадай редакцияда жазылсын: