Тарихи-мәдени мұра мәселелері жөніндегі арнайы комиссияның ережесін және құрамын бекіту туралы
Қазақстан Республикасы Мәдениет және ақпарат министрінің 2024 жылғы 30 қыркүйектегі № 449-НҚ бұйрығы
«Тарихи-мәдени мұра объектілерін қорғау және пайдалану туралы» Қазақстан Республикасы Заңының 22-бабына сәйкес БҰЙЫРАМЫН:
1. Тарихи-мәдени мұра мәселелері жөніндегі арнайы комиссия (бұдан әрі - Комиссия) құрылсын.
2. Қоса берілген:
1) Бұйрықтың 1-қосымшасына сәйкес, комиссияның құрамы бекітілсін;
2) Бұйрықтың 2-қосымшасына сәйкес, комиссияның ережесі бекітілсін;
3. Тоқтатылсын;
1) «Тарихи-мәдени мұра мәселелері жөніндегі арнайы комиссияның ережесін бекіту туралы» 2020 жылғы 20 сәуірдегі № 96 Қазақстан Республикасы Мәдениет және спорт министрінің бұйрығы.
4. Қазақстан Республикасы Мәдениет және ақпарат министрлігінің Мәдениет комитеті осы бұйрықты Қазақстан Республикасы Мәдениет және ақпарат министрлігінің интернет-ресурсында орналастыруды қамтамасыз етсін.
5. Осы бұйрықтың орындалуын бақылау жетекшілік ететін Қазақстан Республикасының Мәдениет және ақпарат вице-министріне жүктелсін.
6. Осы бұйрық қол қойылған күнінен бастап күшіне енеді.